No DOG do 03/02/2025 publican:

- RESOLUCIÓN do 20 de xaneiro de 2025, do tribunal encargado de cualificar o proceso selectivo para o ingreso, pola quenda de acceso libre e de promoción interna, no corpo de axudantes de carácter facultativo de Administración especial da Administración xeral da Comunidade Autónoma de Galicia, subgrupo C1, escala técnica de mantemento de servizos, convocado pola Resolución do 16 de novembro de 2023 (Diario Oficial de Galiza número 221, do 21 de novembro), modificada pola Resolución do 29 de novembro de 2023 (Diario Oficial de Galiza número 229, do 1 de decembro), pola que se fai pública a data, a hora e o lugar de realización do primeiro exercicio do proceso selectivo.

Terá lugar o día 9 de febreiro de 2025, en chamamento único que se iniciará ás 9.00 horas, nas aula 1 e 9 da Facultade de Dereito de Santiago de Compostela.

- RESOLUCIÓN do 21 de xaneiro de 2025, do tribunal encargado de cualificar o proceso selectivo para o ingreso pola quenda de acceso libre e de promoción interna, no corpo de técnicos de carácter facultativo de Administración especial de Administración xeral da Comunidade Autónoma de Galicia, grupo B, escala técnica de delineantes, convocado pola Resolución do 16 de novembro de 2023 (Diario Oficial de Galiza número 221, do 21 de novembro) pola que se fai pública a data, a hora e o lugar de realización do primeiro exercicio do proceso selectivo.

Terá lugar o día 8 de febreiro de 2025, en chamamento único que se iniciará ás 9.00 horas, nas aulas 1 e 9 da facultade de Dereito de Santiago de Compostela.

- RESOLUCIÓN do 22 de xaneiro de 2025, do tribunal encargado de cualificar o proceso selectivo para o ingreso, pola quenda de acceso libre e de promoción interna, no corpo de axudantes de carácter facultativo de Administración especial da Administración xeral da Comunidade Autónoma de Galiza, subgrupo C1, escala técnica de análises de laboratorio, convocado mediante a Resolución do 16 de novembro de 2023 (DOG núm. 221, do 21 de novembro) con corrección de erros (DOG núm. 234, do 12 de decembro) e modificado pola resolución de 29 de novembro de 2023 (DOG núm. 229, do 1 de decembro), pola que se fai pública a data, a hora e o lugar de realización do primeiro exercicio do proceso selectivo.

Terá lugar o día 8 de febreiro de 2025, en chamamento único que se iniciará ás 15.30 horas, nas aulas 1 e 9 da facultade de Dereito de Santiago de Compostela.