No DOG do 26/03/2025 o CONSELLO ECONÓMICO E SOCIAL DE GALIZA publica a RESOLUCIÓN do 7 de marzo de 2025, do tribunal designado para cualificar o proceso selectivo extraordinario de estabilización derivado da Lei 20/2021, do 28 de decembro, de medidas urxentes para a redución da temporalidade no emprego público, pola quenda de acceso libre e mediante o sistema de concursooposición, para o ingreso no grupo 1 (Dirección do Centro de Documentación e Apoio ao Consello) do Consello Económico e Social, convocado pola Resolución do 22 de decembro de 2022 (anunciada no Diario Oficial de Galiza número 246, do 28 de decembro), pola que se dá publicidade a diversos acordos.

Fan pública, como anexo a esta resolución, a baremación provisional da fase de concurso, con indicación da puntuación obtida pola persoa aspirante, de conformidade co disposto na base III.4 da convocatoria. De acordo co disposto na mesma base, contra a baremación provisional as persoas aspirantes que o consideren oportuno poderán presentar reclamación ante o propio tribunal, no prazo de dez días hábiles contados a partir do seguinte ao da publicación da dita baremación no DOG.