Na CIG entendemos que é imprescindible o coñecemento público de todas aquelas modificacións ou acordos que se tomen e afecten ao funcionamento das listas de contratación. Por este motivo, a CIG ven de solicitar na última reunión da Comisión Central de Listas de contratación que, en aras da transparencia e de facilitar a información a todas as persoas interesadas,  os acordos que sexan tomados pola comisión, á marxe do Decreto 37/2006, se fagan públicos na web de Función Pública. A Administración amosou o seu acordo con dita petición, indicando que se estudará a forma de difundilos a través da páxina web de listas.