Concurso de traslados de corpos xerais: a comisión de baremación rematou o seu traballo o martes 5. Prevén que neste mes de xullo sexa publicada a lista definitiva. Toma de posesión despois do verán (setembro).
Procesos selectivos pendentes de convocar:
- Para a semana remitirán os borradores das bases de gardacostas e delineantes.
- As bases de persoal veterinario tentarán achegárnolas ao longo deste mes de xullo (din que están pendentes de consenso entre as consellerías implicadas).
Procesos selectivos de corpos xerais (acceso libre):
Nas anteriores semanas foron aparecendo publicadas no web de Función Pública (e algunha xa no DOG) as resolucións dos tribunais coa convocatoria dos primeiros exames do A1, A2, C1 e C2:
- A1 (DOG 22/06/2016): venres, 8 de xullo de 2016, 16:00 h, pavillón nº2 recinto feiral Silleda
- A2 (DOG 29/06/2016): sábado, 9 de xullo de 2016, 16:00 h, pavillón nº2 recinto feiral Silleda
- C1 (DOG 30/06/2016): sábado, 9 de xullo de 2016, 9:30 h , pavillón nº2 recinto feiral Silleda
- C2 (DOG 30/06/2016): venres, 15 de xullo de 2016, 16:00 h, pavillóns nº1 e nº2 recinto feiral Silleda
Procesos selectivos de corpos xerais (promoción interna):
En canto á promoción interna están xa publicadas todas as notas dos primeiros exercicios: as últimas foron as do A1 e as do resto xa foron publicadas no DOG, sendo as últimas as do A2 (DOG 30/06/2016).
Con relación aos segundos exercicios, de momento só o C1 ten resolución co lugar e día da convocatoria que respecta a previsión inicial da primeira quincena do mes que vén, o resto de grupos só teñen previsións, aínda que xa do día exacto:
- A1: 2ª quincena de setembro; 2ª quincena de novembro (terceiro exercicio)
- A2: mércores, 27 de xullo (previsión no web de Función Pública)
- C1: xoves, 14 de xullo, 16:00 h, Facultade de Dereito (resolución no web da Función Pública)
- C2: venres, 22 de xullo (previsión no web de Función Pública)
