Novas por contido

Está a túa disposición a nova ferramenta “Asesoramento Técnico” que permite realizar consultas on line en materia de prevención de riscos e saúde laboral; o acceso ao formulario de contacto pode atoparse na portada da web ou premendo aquí.

O Gabinete Técnico Confederal de Saúde Laboral vén de publicar o seu boletín número 22, no que, entre outras cuestións, se recollen artigos sobre os riscos novos e emerxentes relacionados coa seguridade e saúde laboral das traballadoras e traballadores maiores de 55 anos; o centenario da OIT e o Informe Executivo da Eurofound: “Traballo sostible ao longo de toda a vida: políticas e estratexias nacionais”, ademais dunha síntese da actividade do propio Gabinete ao longo do ano 2016.

A evolución demográfica dos vindeiros anos, debuxa na UE unha sociedade con altos índices de envellecemento da súa poboación, con previsíbeis e variadas consecuencias en termos de implicacións para o sistema sanitario e asistencial, para o sostemento do sistema público de pensións e para un mercado envellecido e escasamente racionalizado.

Tendo isto en conta, a CIG, a través do gabinete e co financiamento da Fundación Pública Estatal para a prevención de Riscos Laborais levou a cabo unha iniciativa denominada “Seguridade e saúde laboral para traballadores e traballadoras maiores de 55 anos: riscos novos e emerxentes”.

Desta iniciativa e dos seus resultados dá conta o boletín neste artigo.

Xunto a esta información, o Boletín CIG - Saúde Laboral Nº 22 recolle abondosa información do Centenario da OIT que, con este motivo, vén de lanzar unha iniciativa de debate sobre o futuro do traballo, coa intención de abordar e analizar os rápidos cambios que neste ámbito se están a producir, prever as súas posíbeis repercusións e buscar solucións consensuadas coa intención de salvagardar o seu gran obxectivo fundacional: o fomento da xustiza social como elemento fundamental para a preservación da paz.

Ademais, este boletín, inclúe un artigo no que se analizan as conclusións do Informe Executivo da Eurofound: “Traballo sostible ao longo de toda a vida: políticas e estratexias nacionais”.

A axencia europea Eurofound, especializada nas condicións de vida e de traballo, parte de que a calidade do traballo e o propio emprego, para ser sustentábeis, deben reunir unha serie de características vinculadas a catro dimensións necesarias e fundamentais: os ingresos salariais, as perspectivas da carreira profesional, a calidade intrínseca do propio emprego e a calidade do traballo.

Na síntese de actividade durante 2016, o Gabinete Técnico Confederal de Saúde Laboral da CIG dá conta das actividades formativas durante o ano, xa foran cursos básicos; cursos monográficos ou xornadas técnicas e da asistencia en cada unha delas, ademais de informar sobre as consultas atendidas por sectores e da asistencia técnica e asesoramento en materia de prevención de riscos laborais e saúde laboral prestada a delegados/as da CIG, comités de seguridade e saúde e traballadores/as en xeral.

Outras novas recentes

Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...
Mércores, 18 Novembro 2026

Promoción interna corpos xerais, destinos veterinarios/as, gardacostas, PSX, funcionarización en excedencia (CP 17/11/26)

Na Comisión de Persoal do 17 de novembro votáronse as convocatorias de procesos selectivos de promoción interna para o corpo superior A1, corpo de xestión A2, e corpo auxiliar C2 . O noso voto foi en contra das bases desas convocatorias xa que non estamos conformes coas restricións do número de prazas, de escalas nin de recualificación dos postos ou dalgún sistema que...
Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...