Queremos denunciar, unha vez mais o abandono administrativo e de servizos públicos por parte da Xunta de Galiza na nosa comarca.
Unha comarca tan castigada económica e socialmente como é Ferrolterra, necesita unha verdadeira e profunda atención sociocomunitaria, e uns servizos públicos que faciliten sáidas á profunda crise social que padecen numerosos colectivos; ou cando menos que non empeoren a súa situación con voltas e reviravoltas administrativas, que crean expectativas que non van a ser satisfeitas na realidade.
Son coñecidos os casos de trámites burocráticos e administrativos que a poboación de Ferrol non pode realizar nos edificios administrativos da nosa cidade e ten que desprazarse ás distintas xefaturas territoriais de A Coruña:
-Un exemplo especialmente revelador da hipocrisía dalgunhas das "políticas sociais" e da ausencia de servizos da Consellaría de Industria o temos no deseño das axudas concebidas para aquelas persoas que teñen dificultades para enfrontar o pago da factura eléctrica. Estas persoa, que non poden facer fronte ao pago do recibo da luz ou mesmo se atopan con ameazas de curte do subministro, só poden acceder a axudas que se xestionan telematicamente. É dicir, deben dispor de acceso a internet, ordenador, aparello dixitalizador e certificado dixital. Como única alternativa quédalles concertar unha cita na Coruña e acudir aos servizos alí dispostos par solicitar esta axuda. Non se pode pagar o recibo pero hai que desprazarse a Coruña para solicitar axuda oficial.
-Outro servizo esencialmente ausente na nosa comarca é o da Axencia Tributaria Galega. As dependencias existentes desta Axencia en Ferrol son mínimas e as súas competencias excesivamente reducidas.
-Pero o maior abandono está nos temas relacionados cá consellería de Política Social. Primeiro, foi a supresión da Equipa de Valoración da Dependencia en Ferrol e o traspaso das súas funcións ás equipas de A Coruña. Despois no mes de xullo de 2016 crean unha nova equipa para solucionar os atrasos nas valoracións do EVO, pero esta equipa nace coxa pois non se dota dun/ha profesional médico/a que reduza os 14 meses de atraso non expedientes de discapacidade física.
Pero seguimos sumando desconsideración para os usuari@s pois o resto de persoal (psicóloga e traballadora social) non son nomeados até este mes de marzo de 2017, e non contan nin con un espazo físico nin con medios técnicos onde realizar o seu traballo de avaliación e informes, senón que ocupan as salas do persoal que están temporalmente valeiras. Ao conselleiro de Política Social que coñece a realidade do Edificio Administrativo e ten manifestado publicamente as súas prioridades de actuación na comarca, pedimoslle que remedia este problemas da súa consellería e que medie para contar con servizos administrativos de proximidade.
Por todo isto denunciamos á política de abandono da Administración Pública galega para cos seus administrad@s en Ferrol, as periferias necesitamos dunha específica e considerada atención. E reclamamos uns servizos públicos de calidade a altura das necesidades sociais existentes nesta comarca, que soluciones verdadeiramente os problema e non mareen @s usuari@s con trámites e demoras burocráticas por non dispor de todos os recursos necesarios para dar o servizo que se precisa.
SERVIZOS PÚBLICOS E DE CALIDADE PARA TOD@S
