Novas por contido

O consellerio de Medio Rural minte no Parlamento de galiza afirmando que esta a rematar coa temporalidade no servizo de incendios forestais

Na intervención Parlamentaria do conselleiro de Medio Rural, da que se facían eco os medios de comunicación o día 30 de outubro, minte sen pudor cando afirma que está rematando coa temporalidade dos servizos de extinción (SPDCIF), onde máis do 65% do total da cadro de persoal é temporal en fraude de Lei.

Dos 1.939 traballadores do SPDCIF, 1.200 seguen a ser traballadores temporais en fraude de lei porque levan máis de 3 anos nas súas prazas sen que a Administración lles dera a oportunidade de consolidalas a través dun concurso-oposición. Isto supón unha porcentaxe de temporalidade do 65%. E dicir, que destes 1.939 traballadores/as, 436 teñen un contrato de 4 meses e 610 de 9 meses: 1.046 traballadores contan cun contrato a tempo parcial.

Polo que,

- NON É CERTO que o vindeiro ano se incremente en 600 efectivos o persoal do SPDCIF, nada mais que se trasladan á Xunta os postos de traballo que en anos anteriores contrataba na época de alto risco a empresa pública Servizos Agrarios Galegos S.A. (SEAGA). O incremento total de efectivos é cero.

- NON É CERTO que se aposte pola prevención xa que case a totalidade do presuposto deste servizo gástase en extinción de incendios, máis de 100 millóns de euros anuais. Desmóntase así a farsa da prevención cando nestes días a Consellería do Medio Rural envía ó paro a máis de 1.000 traballadores/as do Servizo de Prevención e Defensa Contra Incendios Forestais da Xunta de Galicia (SPDCIF), bombeiros forestais, vixilantes, emisoristas e operadores serán enviadas ao paro entre o 31 de outubro e o 30 de novembro.

Dende a CIG xunto coas organizacións sindicais CCOO, UGT e CSIF instamos ao novo conselleiro a unha xuntanza urxente para constituír unha mesa de diálogo e negociación co fin de buscar solucións a problemas tan serios como a temporalidade e a precariedade laboral.

Outras novas recentes

Mércores, 26 Marzo 2025

Xuntanza comisión de listas. 26/03/25

Na xuntanza da Comisión de listas celebrada no día de hoxe mércores 26/03/25, ademais de aprobarse a acta e tratarse as reclamación correspondentes, informan dos seguintes puntos:    - Publicaranse as listas definitivas das categoráis funcionarizadas de oficio o día 2 de abril.   - As listas de incendios publicaranse antes da próxima comisión datada para o día 30 de abril....
Martes, 25 Marzo 2025

O despropósito do Plan de axilización da dependencia + discapacidade

O pasado 3 de marzo a Xunta de Galiza, nunha comparecencia pública do Presidente Rueda, anuncia o Plan de axilización e simplificación dos trámites da dependencia e discapacidade. Este plan, implementado dende xaneiro, basease segundfo refiren en: Na “redución ao máximo dos trámites” ao introducir un novo modelo de solicitude conxunta. Na creación de xefaturas de servizo de...
Xoves, 27 Marzo 2025

Estase a restrinxir o teletraballo ás bravas?

A prestación de servizos na modalidade de teletraballo na Administración da Comunidade Autónoma de Galiza funcionaba ata o de agora con relativa normalidade agás a xa endémica opacidade da Xunta e a reiteración do incumprimento da convocatoria das Comisións de Seguimento para que as organizacións sindicais poidamos exercer un control.   Mais nos últimos días están a chegar...