Novas por contido

A CIG-Autonómica presentou as súas achegas para emendar o texto a distintos grupos parlamentarios

O pasado mércores, día 31 de outubro, a CIG-Autonómica expresou, no Congreso dos Deputados, o seu rexeitamento á proposición de lei básica de axentes forestais, que entrou no Congreso da man de Podemos, e que ten de prazo para presentación de emendas até o 7 de novembro.

A proposición de lei pretende máis que regular o réxime xurídico dos/as axentes forestais: invade competencias, é lesiva para o mantemento do SPDCIF e pouco útil para este personal xa que non aborda a xubilación, enfermidades profesionais nin medidas básicas de seguridade.

Para Galiza esta lei é especialmente lesiva xa que se reducen as competencias na xestión dos montes deste persoal funcionario, eliminando, por exemplo, a encomenda da dirección técnica de extinción de incendios forestais. Ampara ademais a modificación da estrutura de mando do servizo de defensa contra incendios forestais da Galiza de cara aos servizos de emerxencias e protección civil. Deste xeito, os axentes forestais de Galiza pasan de ter a dirección dos incendios a ter que colaborar cos medios de emerxencias e protección civil.

Esta lei básica deséñase en resposta ao brutal asasinato de dous axentes rurais en Catalunya en 2017, pero sorpresivamente, non soluciona cuestións de saúde e seguridade de regulación básico como un cadro de enfermidades profesionais ou os coeficientes redutores para a xubilación anticipada. O artigo específico que trata a seguridade, con apenas catro liñas, non aporta ningunha medida concreta. O texto da lei tampouco trata nin a segunda actividade, nin medidas para fomentar a igualdade, ou o recoñecemento dos dereitos laborais do resto de empregados/as Públicos/as como un horario máximo anual, a conciliación familiar ou os permisos e licenzas.

Galiza non existe

A CIG-Autonómica lembra que hai outras proposicións de leis que están xa no Congreso, con prórrogas para o debate, como a de bombeiros forestais e a de bombeiros. En conxunto, as tres propostas de leis teñen inxerencias e conflito entre elas pisándose funcións.

Con todo, o que máis preocupa é a posibilidade de cambiar o sistema de extinción de incendios de Galiza, xa que de seguir adiante, modificaría a consideración de emerxencia e o seu tratamento –competencia, extinción e mando- o que non sería funcional para os máis de 4.000 lumes e 50.000 ha/ano de media, superando en número e hectáreas queimadas as de todo o territorio do estado.

Emendas

Aínda así, a CIG-Autonómica presentou achegas para emendas aos diferentes grupos parlamentarios, desde Marea, até Euskal Herria Bildu, Esquerra Republicana de Catalunya, PNV, PSOE, Compromís e En Comú Podem. Non puido facer o mesmo co PP e con Ciudadanos, porque a día de hoxe aínda non hai resposta á petición de xuntanza.

Outras novas recentes

Luns, 13 Outubro 2025

As achegas da CIG e a mobilización van ser fundamentais para deseñar o novo marco normativo para a seguridade do persoal bombeiro forestal

A CIG presenta achegas ao borrador de Real Decreto que desenvolve a Lei básica de bombeiros forestais en materia de prevención incidindo, entre outras cuestións, na limitación da xornada máxima, a formación previa, a obrigatoriedade de investigar os accidentes, na inclusión de todas as actividades onde estea presente o lume e o estudo, XA, das enfermidades profesionais.   O...
Mércores, 08 Outubro 2025

Paros laborais por Palestina. O 15 de outubro, tamén no traballo paremos o xenocidio!

Dende a CIG convocamos unha xornada de loita o 15 de outubro contra o xenocidio do pobo palestino. Chamamos a secundar os paros laborais de catro horas por quenda e a concentrarse nos centros de traballo, nas cidades e nas vilas do País. Anunciamos publicamente a convocatoria dunha xornada de paro xeral en Galiza para o vindeiro 15 de outubro para reclamar a fin do...
Xoves, 09 Outubro 2025

Promoción interna de corpos xerais (para MSF 13/10/25)

A directora xeral de Emprego Público e Administración de Persoal convocounos a unha xuntanza da Mesa Sectorial de Persoal Funcionario que será o luns 13 de outubro, coa seguinte Orde do día: Bases da convocatoria da promoción interna separada ao corpo superior-A1 Descargar Bases da convocatoria da promoción interna separada ao corpo de xestión-A2. Descargar Bases da...