Os desagravios aos que somete a provincia de Ourense o Delegado Territorial da Xunta de Galiza, Rogelio Martínez, parecen non ter fin.
Na xuntanza celebrada onte entre a Consellaría de Traballo e Benestar e as catro organizacións sindicais máis representativas (C.I.G., CC.OO., UGT, CSI-CSIF) confirmouse o que xa era evidente, o incumprimento do acordo co anterior goberno: a dotación de persoal nos centros de servizos sociais da Xunta. O incumprimento dos acordos é a tónica habitual deste goberno, e dende a C.I.G. preguntámonos cal vai a ser o destino deses cartos que se ian investir en melloras aos servizos socias do País.
O acordo asinado no ano 2008 é para un periodo que abrangue 2009-2012, contemplandose as seguintes prazas para a provincia de Ourense:
- Delegación provincial: 8 prazas
- Residencia do Maior Cabeza de Vaca: 28 prazas
- Residencia do Maior Carballiño: 15 prazas
- Residencia do Maior Castro Caldelas: 10 prazas
- Fogar do Maior de Ourense: 3 prazas
- Centro de Menores A Carballeira: 8 prazas
- Centro de Menores Montealegre: 6 prazas
- Residencia Xuvenil Florentino Cuevillas: 2 prazas
- Residencia Tempo libre Carballiño: 16 prazas
- Escola Infantil A Farixa: 3 prazas
- Escola Infantil Covadonga: 2 prazas
- Escola Infantil Antela: 3 prazas
- Centro Social do Carballiño: 2 prazas
- Centro Social Celanova: 1 praza
- Centro Social Maceda: 1 praza
- Centro Social Ponpelamios: 2 prazas
- Centro Social Verín: 2 prazas
- Centro Social Viana do Bolo: 1 praza
- Centro Social Xinzo de Limia: 1 praza
- Centro Social Petín: 1 praza
TOTAL PRAZAS PACTADAS A CREAR EN OURENSE: 115 PRAZAS.
A estas prazas había que engadir as necesarias para dotar a nova residencia do Carballiño, que non se contemplan neste pacto.
Está claro que moito interese nos servizos sociais non teñen, primeiro polo recorte de fondos que se evidenciou onte, e despois por qué a xuntanza chega con máis de catro meses de retraso, ou é que agora xa non son necesarias estras prazas?
O caso é especialmente grave en Ourense, onde tan só se crean catro prazas dun total de 139 que propón a Consellaría, isto representa menos dun 3% o que coloca no seu xusto sitio o peso que na area de Traballo e Benestar está a desenvolver Rogelio Martinez, o delegado da Xunta en Ourense e o apoio incondicional ao Xefe Territorial da Consellaría de Traballo, José Selas, provocan este agravio comparativo, sendo ninguneada de novo a nosa provincia por parte do Partido Popular, a dotación orzamentaria para todo o País é:
- A Coruña: 1.012.008,07 €
- Lugo: 845.357.10 €
- Ourense: 136.368,98 €
- Pontevedra: 1.147.297,14 €
Sobran as palabras.
Ao mesmo tempo, dende a C.I.G. preguntámonos, que vai a pasar coa Residencia do Maior do Carballiño, que se está ampliando e que segundo as últimas novas que temos da Administración, non hai fondos para a dotación de mobiliario na futura residencia que entendemos que a non ser que poñan a dormir aos residentes no chao, esta non vai a abrir no prazo previsto. É este un primeiro paso para a súa privatización? Non entendemos porqué tampouco se contempla a dotación de persoal da nova residencia do Carballiño polo que entendemos que é unha mostra clara das intencións do Partido Popular: nin persoal nin mobiliario.
Dende a C.I.G. esiximos que se dote de persoal suficiente aos centros de servizos sociais na provincia de Ourense, se respecte o pacto asinado entre a Administración e os catro sindicatos máis representativos na función pública galega.
