A Consellería de Sanidade convocou á Xunta de Persoal e ós/ás delegadas de persoal na provincia de Pontevedra para explicar o proxecto de eliminación das liñas de traballo destes laboratorios provinciais, agás o de Lugo.
A xusfiticación desta "reorganización" baeana en que están tendo pouca carga de traballo nos distintos laboratorios o que pode desenvocar en xente sin actividade. Propoñen que quede Lugo como laboratorio de referencia levando a xestión dos catro de Galicia. Manteríase a mobilidade funcional dentro da mesma xefatura, con reorganización do traballo, que se plasmará nun modelo de proposta en SETEMBRO. A readscrición do persoal será de xeito voluntario entre provincias e laboratorios sen que iso represente amortización de prazas.
Insistiron na facilidade no cambio de funcións do persoal funcionario, pero na complicación de modificar as funcións do persoal laboral. A proposta de como quedarán os postos de traballo presentarana en OUTUBRO, mes no que volverán a facer un avance ás organizacións sindicais por provincias. Por último indicaron que ofertarán as distintas opcións ao persoal traballador 1 a 1.
Desde a CIG-Autonómica manifestamos o noso malestar polo xeito en que se están facendo estas reunións, dado que non hai unha proposta concreta sobre a que traballar. Deixamos claro que esta negociación, ao incluir persoal funcionario e laboral, debe pasar pola comisión de persoal, o comité intercentros e a mesa xeral. Deben ter en conta, a maiores, a coincidencia temporal cos restantes procesos abertos: concurso de traslados, consolidación, etc.
Aínda que durante toda a reunión comentaron a súa intención de non amortizar prazas, ante a nosa insistencia acabaron decindo que “ELES” non ían amortizar ningunha, dando a entendera que ao longo do proceso negociador o que informen tanto Función Pública como Orzamentos non é responsabilidade da Consellaría de Sanidade.
