Achéganos a Administración a convocatoria dunha xuntanza previa á Comisión de Persoal para o vindeiro luns. Ademais dos puntos do día da anterior Mesa Xeral, sorprendentemente meten dous máis: as convocatorias de corpos xerais da OPE 2009 e o borrador dos estatutos da Axencia Galega de Modernización Tecnolóxica.
Do primeiro congratulámonos que por fin vaia para adiante, pero intentar liquidar a fase negociadora dunha axencia en 15min. antes de pasala por unha Comisión de Persoal parécenos unha burla do concepto de "negociación colectiva".
Esta é a orde do día completa:
Rpts. Veterinarios
Proposta das bases do concurso para a provisión de postos de traballo vacantes no corpo facultativo superior da Xunta de Galicia, escala de veterinarios concurso de traslado veterinarios.
Proposta das bases pola que se convoca proceso selectivo para o ingreso no corpo superior de Administración da Xunta de Galicia, subgrupo A1, escala de sistemas e tecnoloxía da información.
Proposta das bases pola que se convoca proceso selectivo para o ingreso no corpo de xestión de Administración da Xunta de Galicia, subgrupo A2, escala de xestión e sistemas de información.
Proposta das bases pola que se convoca o proceso selectivo para o ingreso no cropo superior de Administración da Xunta de Galicia, subgrupo A1, escala de letrados.
Modificación Rpt Augas de Galicia.
Convocatorias dos procesos A1/A2/C2, acceso libre OPE 2009
Proxecto decreto Axencia Modernización Tecnolóxica.
