Máis que CIG-Autonómica

Pretende responder aos continuos ataques que están a padecer as traballadoras e traballadores das administracións.

A CIG-Administración presentou esta mañá a campaña que a partir de mañá se desenvolverá en todas as comarcas do país, pola dignidade do empregado/a público/a e en defensa dos servizos públicos. A campaña desenvolverase de forma transversal en todas as accións sindicais que, ao longo dos vindeiros meses defendan o sector público e rexeiten os recortes.

O obxectivo da CIG é, segundo explican, “subir a autoestima dos empregados/as públicos/as, facendo defensa de forma individual no posto de traballo dun lema colectivo: ‘Servizos públicos, si grazas’”.

Pretenden, deste xeito, responder de forma activa ante os continuos ataques e recortes que están a padecer os empregados e empregadas públicos/as e, e forma preventiva, amosar a forza das persoas que traballan na administración.

A decisión de pór en marcha esta campaña xurdiu ante a necesidade de reaccionar contra a situación de desprestixio que o goberno (Estatal e da Xunta) está a realizar sobre as persoas empregadas públicas, unido aos estereotipos sociais. Isto, explican “fai necesario realizar unha campaña que loite pola dignidade da persoa traballadora que desenvolve un servizo público, recuperando a autoestima desta”.

Ademais, sinalan, de forma sinérxica, reclámase a necesidade de ter servizos públicos, de xeito que a sociedade vexa que un ataque ás persoas empregadas públicas é, ao mesmo tempo, un ataque aos servizos públicos, e que isto repercute directamente en toda a sociedade.

Desenvolvemento

A campaña terá continuidade no tempo, durante os vindeiros meses. Inicialmente farase un reparto masivo de chapas e autocolantes entre as e os traballadores para que o lema “Servizos públicos, si grazas” estea presente en todos os centros de traballo.

Coa entrega da chapa e do autocolante repartirase tamén un pequeno documento no que se recolle a situación actual e o que supoñen os recortes e rebaixas no sector público, para a persoa traballadora e para toda a sociedade.

Tamén se porán pancartas ou paneis nos principais centros de traballo e as delegadas e delegados disporán dunha camiseta co mesmo logo da campaña, que empregarán na acción sindical que desenvolvan.

 

Descarga os documentos da campaña

Outras novas recentes

Venres, 17 Marzo 2023

EGAP: cursos sobre tecnoloxías da información e da comunicación, administración electrónica e protección de datos

A EGAP publica no DOG do 17/03/2023 a Resolución pola que se convocan cursos sobre tecnoloxías da información e da comunicación (TIC), administración electrónica e protección de datos para o persoal ao servizo da Administración xeral da Comunidade Autónoma de Galiza, das entidades públicas instrumentais e da Administración institucional e para o persoal ao servizo da...
Venres, 17 Marzo 2023

A CIG gaña a demanda contra o Consorcio pola suspensión de contratos nas vacacións

A CIG gañou o conflito colectivo presentado ante o TSXG polo que este declarou nula a cláusula contractual na que se suspendía o contrato ao persoal substituto nos períodos vacacionais no que pechan as escolas infantís Nas Escolas Infantís da rede pública de cero a tres anos, a Administración galega castigaba ao persoal substituto ao non cotizar, non cobrar e non ter acceso...
Luns, 20 Marzo 2023

Acordo "biólogos/as de zona", RPTs (Mar e Política Social), modificación equivalencias funcionarización (para CP e MX 22/03/23)

O director xeral de Función Pública convocounos a unha xuntanza da Comisión de Persoal e outra da Mesa Xeral de Empregados Públicos que serán o mércores 22/03/23, coas seguintes ordes do día: Comisión de Persoal Proposta de acordo entre a Consellería do Mar e as organizacións sindicais sobre as condicións de traballo de prazas adscritas aos servizos periféricos (biólogos/as...