Novas por contido

Nesta xuntanza tratáronse dous temas fundamentalmente: a modificación da convocatoria do concurso de persoal laboral grupo V e máis a aplicación da Lei de medidas no emprego público. Ver convocatoria.

Concurso de traslados

A Administración informa que se incluíron varias prazas que foron alegadas polas organizacións sindicais e máis  polas consellerías; prazas que xa están no listado que nos enviaron coa convocatoria e que é diferente ao enviado o día 6 de marzo. Exclúen tamén do concurso as prazas CU........27001.039 e TR.......36350.059 alegadas por particulares.

A interpretación que fan para eliminar as prazas é a que fai o Tribunal Supremo nunha sentenza que xa nos pasaron ás organizacións sindicais, é dicir, que ten que estar vacante dende o 1-1-2005 e ocupada polo mesmo persoal temporal, aínda que estea vacante desde esa data si cambiou de temporal neste tempo non entra na consolidación.

Aplicación da Lei de medidas no emprego público

A Administración manifesta que para o único que nos reuniron é para comunicarnos que “para respectar a conciliación da vida laboral e familiar deron instrucións para que se elaboren as carteleiras da consellería de Traballo respectando o descanso de 1/3 dos domingos en computo anual e o descanso de un de cada tres domingos”. Manifestan que sobre a lei non teñen máis que dicirnos.

Aínda así, desde a CIG, despois de darlle as grazas por mirar tanto pola conciliación da vida laboral e familiar, sobre todo da xente que vai a traballar 9 días seguidos ou 3 fines de semana seguidos, e de discutir un pouco, conseguimos falar de todos os puntos:

1º.- Como afecta o artigo 2 da lei (incapacidade temporal) ao persoal laboral xa que afecta directamente ao artigo 30 do convenio e este non foi modificado? A Administración non se "dera conta" deste problema pero entende que o artigo 2 afecta a todos/as empregados/as públicos e polo tanto ao persoal laboral. Está elaborando unha orde onde se fará o desenvolvemento normativo correspondente.

2º.- Preguntamos polos días 24 e 31 de decembro e como se vai a aplicar, xa que o persoal funcionario ten dereito a gozalos, si eses días vai ir a traballar o persoal laboral e o funcionario non. Despois de dicir que “é diferente o persoal funcionario do persoal laboral” escorren o vulto dicindo que falta moito tempo para os días 24 e 31 de decembro e que xa se miraría como se aplica. Respondemos que nos gustaría ver como nos servizos onde hai persoal funcionario e laboral (en case que todos os centros) unhas persoas van ir a traballar e outros non.

3º.- Canto tempo se lle vai a dar ao persoal que ten horarios especiais (de 9 a 17h ou de 10 a 18h)? A Administración contesta que a ½ hora do café, que o persoal que sae ás 15h tampouco ten tempo para comer.

4º.- Preguntamos que vai a pasar co persoal do SPDCIF xa que teñen un acordo de aplicación prevalente no que se define os seus descansos.  A Administración contesta que non pensaran nesa posibilidade, que o mirarían e nos contestarían o máis axiña posíbel.

5º.- Preguntamos si van a aplicar a eliminación das 3 mensualidades no momento da xubilación e o non respectar as vacacións de semana santa e nadal para o persoal que ten dereito a elas. A Administración contesta que así o farán, que estamos a falar de unha lei e que teñen que cumprila...

Preguntouse tamén si se ía a compensar o traballo en domingos e festivos dalgún xeito, en tempo ou en diñeiro. A Adminmistración contesta que “por agora non, están estudiandoo nos termos que xa nos comunicaran no seu día, pero que a lei non contempla compensación de ningún tipo e polo de agora non o van a facer”

Outras novas recentes

Mércores, 30 Xullo 2025

A CIG pide a retirada da denominación sexista «Valedor do Pobo» da fachada do edificio da institución

A entidade está a negociar cos sindicatos o seu I Plan de Igualdade, que chega 18 anos tarde ―contando con que a súa aprobación sexa en 2025 A pesar de que dispoñemos cada vez de máis lexislación no eido da igualdade, o seu incumprimento é sistemático por parte das administracións, sen que teña consecuencias que as disuadan do contrario. A lexislación obriga ás...
Xoves, 31 Xullo 2025

RPT de Atriga, Facenda, C.Presidencia. RPT con cambios en admon. especial (para 01/08/25)

A directora xeral de Emprego Público e Administración de Persoal (DXEP) convocounos a unhas xuntanzas que serán o día 1 de agosto, coa seguinte Orde do día: RPT DA CONSELLERÍA DE PRESIDENCIA, XUSTIZA E DEPORTES Trátase dunha proposta de certa amplitude que foi tratada nunha xuntanza previa o día 11 de xullo. E agora, no mesmo día pretenden "negociar" en Mesa Sectorial de...
Mércores, 23 Xullo 2025

A CIG solicita o cese de Perfecto Muiños, xerente do Consorcio

Pola xestión deficiente da Xerencia do CGSIB qe afecta a máis de 1700 traballadoras e traballadores INCOMUNICACIÓN E DENEGACIÓN DE DEREITOS Falta de comunicación ao persoal traballador, non obtendo resposta por teléfono nin correo electrónico ante cuestións vitais que afectan ao seu día a día laboral e persoal. Permisos non xestionados: non contestan coas Resolucións...