Novas por contido

Xa está colgada na páxina da Xunta a previsión dos meses en que se realizarán os examenes da OEP 2008.

A CIG acudiu a esta xuntanza coa vontade clara de lembrarlle á Administración os compromisos adquiridos e a necesidade de respetar os acordos acadados. Tamén acudimos cunha proposta de urxencia de pór en marcha a maquinaria administrativa mediante unha decisión política para restituir a Función Pública galega ao seu estado de normalidade.

Conseguimos o compromiso verbal de que os acordos acadados van ser respetados e de que existe vontade de por en marcha os procesos selectivos, concursos e FAS. Compromiso que queda difuminado ao non haber un calendario nídio de desenvolvemento, aínda que o saber que mañan día 14 publicarán unha previsión é xa un avance ante tanta incertidume.  A CIG vai velar porque estes compromisos se materialicen en breve.

Oposicións Promoción Interna funcionarios/as

A Administración infórmanos que houbo que “desbloquear” os procesos tanto pola restricción do gasto como polo cambio de expediente á Consellaría de Facenda. Estanse a ultimar todas para saíren no DOG.

Aínda están a estudar as datas dos exames si van ser antes ou despois do verán. O que si teñen claro é que si non da tempo a facer todas antes do verán serán para despois. Mañán día 14 o saberemos.

Oposicións Libre e Consolidación

Están tamén a piques de nomear os tribunais para Libre e Consolidación.

TANTO DE PI COMO DE LIBRE E CONSOLIDACIÓN, O 14 DE MAIO A XUNTA PENDURARÁ NA SÚA PÁXINA WEB A PREVISIÓN DOS MESES NOS QUE SE REALIZARÁN OS EXAMES DA OEP 2008.

Acordo de mellora do emprego

  • Concurso de traslados laborais

Vaise a respetar a OEP do 2008 e vaise convocar o concurso de traslados de laborais, empezando polo grupo V. As previsións é que se fagan todos os procesos coordenados no tempo, Consolidación de Emprego, Concurso de Traslados e Oferta de Emprego.

  • Concursos de Traslados Xeral, corpos especiais e escalas

Tamén teñen intención, ainda que non aclaran cando, de convocar os concursos de corpos especiais e escalas e finalmente o Xeral de traslados.

  • Consolidación de grao

Van a poñer en marcha o proceso de consolidación de grao para o C1.

  • Mesa de negociación do grupo E

Trasmitímoslles a nosa petición de que se constitúa a Mesa de negociación do grupo E que xa tiña que estar en marcha dende o 2º semestre do 2008.

Acordo retributivo

En breve nos chamarán para negociar o reparto do 10% do 2009.

Sobre a negociación dun novo acordo retributivo deixan o tema en suspenso.

Organización e estructura da Función Pública

Pedímoslle que se constitúa a mesa recollida no acordo salarial do ano 2006 para a: funcionarización, carreira profesional e promoción dos empregados públicos, estructura de función pública, seguimento da temporalidade, xornada de traballo, etc....

Comprométense a crear unha comisión de estudo.

F.A.S.

Vaise publicar este mes.

Sentenzas trienios

Non van a abonar os trienios anteriores á entrada en vigo do EBEP, polo que o proceso rematará no contencioso-administrativo.

Persoal eventual e estrutura territorial

Manifestámoslle a nosa preocupación polos indicios de medre deste tipo de persoal, en especial nas delegacións territoriais.

Compostela, 13 de maio de 2009.

Outras novas recentes

Mércores, 26 Xuño 2024

Convocatoria para elaborar listas de contratación temporal para xefe/a de brigada e condutor de motobomba

A Consellaría de Medio Rural publicou as bases para a elaboración dunhas listas de contratación temporal de Bombeiro/a forestal (B.F.)-condutor de motobomba e B.F.-xefe/a de brigada. Ligazón á páxina de anuncios de Medio Rural. Xustifican a súa proposta en que as respectivas listas elaboradas polo Decreto 37/2006 xa están esgotadas. Categorías : BFCMB e BFXB, laboral e...
Xoves, 27 Xuño 2024

Mirar para outro lado non é o xeito de resolver o problema do persoal coidador

Dinos CCOO nunha nota que o día 20 de xuño falaron con Educación e pedíronlle “Resolver a problemática do persoal coidador (categoría III-99)”. Isto está moi ben se non fora pola hipocrisía notoria de CCOO e UGT que, despois de contarnos isto e tan só un día despois, o 21 de xuño na Comisión de Persoal ABSTÉÑENSE na votación onde a Xunta encadra a categoría III-99 no...
Luns, 24 Xuño 2024

Xuntanza do CSSL de Medio Ambiente

O pasado venres día 21 celebrouse o Comité de Seguridade e Saúde Laboral de Medio Ambiente (en adiante CSSL) onde se trataron diferentes asuntos relacionados coa seguridade e saúde dos empregados públicos. Os asuntos tratados foron variados entre os que podemos destacar a roupa de traballo e uniformidade, vehículos, formación, algunhas problemáticas nos centros de manexo de...