Novas por contido

Acabamos de ter unha xuntanza co resto de OOSS e co director de Función Pública, na que nos entregaron un borrador de Instrucións para a aplicación dos complementos de incapacidade temporal debida a continxencias profesionais e comúns, e nas situacións de maternidade, paternidade, risco durante o embarazo e risco durante a lactancia natural.

Dan de prazo até o luns que vén, día 30 de abril para presentar alegacións; van convocar unha Mesa Xeral para ese día. Presentamos a nosa protesta perante este feito xa que entendemos que é un prazo moi curto e solicitamos unha ampliación. NOVO: estas instrucións irán á Mesa Xeral o 2 de maio

Nunha primeira ollada podemos destacar os seguintes puntos:

  • Ten efecto retroactivo, dende o 3 de marzo, data en vigor da lei, agás as novidades con respecto aos prazos de entrega de xustificantes, basicamente.

  • Prevé que se cobre un 100% nos casos recaída dunha enfermidade común ou accidente non laboral que derive dunha situación que si recolla ese complemento do 100%.

  • Aínda que a redacción non o aclara, ao persoal de clases pasivas (Muface) non lle é aplicable o tema do complemento, si o regulado con respecto o de entrega de xustificantes.


Convidámosvos a que nos remitades as alegacións ou dúbidas que teñades con respecto a estas instrucións.

Descarga instrucións

Outras novas recentes

Venres, 05 Setembro 2025

Asembleas polos concursos de traslados e as eleccións de destino (con cambios en Compostela e Ferrol)

Moitos dos concursos de traslados do persoal funcionario da Administración Autonómica actualmente convocados están parados ou gravemente afectados por medidas xudiciais. Dende a CIG convidámoste a asistir ás asembleas que convocamos para falarmos dos problemas e da situación de todos os concursos de traslados e das consecuencias das sentenzas e das medidas cautelares...
Mércores, 10 Setembro 2025

Concursos: a única solución duplicar os postos e resolver con celeridade

Centos de compañeiros e compañeiras  acudiron ás asembleas organizadas pola CIG para falarmos dos concursos de traslados e os destinos dos procesos selectivos.  A única solución que albiscamos dende a CIG, e que puxemos sobre a mesa nas asembleas e contou co respaldo das persoas asistentes, é a duplicación dos postos onde sexa necesario para evitar a perda de postos no...
Xoves, 11 Setembro 2025

O conselleiro de Facenda ofrece unha solución para os concursos de traslados pero a restrinxe a un deles. Que pensa facer co resto de con...

Dende a CIG esiximos o compromiso de que a solución de aportar prazas, se estenda a todos os concursos pendentes e non só se aplique ao de enxeñerías, arquitecturas e ciencias. E tamén que se comprometan a non retirar prazas vacantes ofertadas do resto dos concursos non resoltos. O concurso de traslados de enxeñarías, ciencias e arquitecturas, xa está resolto, pero...