O 5 de xuño tivo lugar en San Caetano unha macroxuntanza do Comité intercentros cos comités e delegados/as de empresa das diversas consellarías.
O Comité Intercentros pediu aos comités que, dado as medidas que estar a tomar a Xunta coa Lei de medidas e aínda que xa houbo mobilizacións anteriormente, sería positivo afondar nas mobilizacións conxuntas para loitar de xeito global contra estas medidas. Ponse como exemplo diste tipo de accións a marcha desde a cidade da cultura.
Proponse para o día 21 de xuño, día do xuízo do conflito colectivo contra a Lei de medidas, xuntar un gran número de persoas para facer unha cadea humana que rodee todo San Caetano. Poríase unha faixa diante do edifico administrativo en contra das medidas e dos recortes aos servizos públicos e detrás cos favores que está a facer o PP, tanto desde Madrid como desde Galiza, á Banca, á amnistia fiscal...
O Comité de Traballo e Benestar da Coruña propón facer unha concentración na Coruña diante dos Tribunal Superior de Xustiza de Galiza, onde terá lugar o dito xuízo.
Despois de debatelo, faise unha votación entre as persoas asistentes á xuntanza, e aprobase facer a cadea humana en San Caetano para o día 21 de xuño con 58 votos a favor, 12 abstencións e 13 que votan en facer a mobilización o día 21 diante dos xulgados da Coruña.
O Comité de Traballo e Benestar de Lugo comunica que teñen convocada para o día 15 de xuño unha manifestación rodeando a muralla e solicita o apoio de todos os comités.
Acordase que se siga facendo un calendario de mobilizacións onde se inclúa a peregrinación a Monte Pío (residencia do Presidente da Xunta) cun cadaleito que simbolizaría os servizos públicos, tal e como propuxo o Comité de Traballo de A Coruña.
Acórdase solicitar axuda na loxística das mobilizacións á Área Publica, onde se coordinan todos os sindicatos galegos con representación no sector público.
O martes 24 de xuño tivo lugar unha xuntanza da Comisión de Persoal (CP) na que se aprobaron as convocatorias de seis procesos selectivos, todos eles co voto en contra de CIG e CSIF, e a abstención de CCOO e UGT. Como cuestión previa, a CIG solicitou a suspensión da Orde do día, pois estas convocatorias non foron negociadas, xa que a única vez nas que puidemos ver os textos...
Vimos de ser convocados para unha Mesa Sectorial de Funcionarios Públicos para o vindeiro martes día 24 de xuño na que se tratará: Concurso de traslados escala de veterinarios/as. Documentación: convocatoria. Buzón de postos. Concurso de traslados. Documentación: convocatoria. Buzón de postos. Subgrupo C1: persoal de laboratorio, mantemento de servizos, de condución, de...
O martes 24/06/25 tivemos unha nova reunión sobre a pretensión de reorganización do Servizo Público de Emprego de Galiza (SPEG) coa nova configuración da estrutura das oficinas de emprego. Hai que lembrar que a administración partía dunha proposta en que o servizo quedaba conformado polo seguinte persoal: Direccións, niveis 26 ou 25 sen manifestar criterio obxectivo para a...