O Comité de Empresa da Provincia de Pontevedra mantivo a pasada semana unha xuntanza co secretario xeral da Consellaría do Mar.
As organizacións sindicais con representantes en dito comité decidiron elaborar o seguinte comunicado conxunto:
TEMAS TRATADOS
1.- Preguntamos polo acordo de pluses negociado co anterior goberno e se nos contestou que se rematará de perfilar coa próxima RPT, que se espera para este ano.
Houbo un preacordo enviado a Función pública, como remate dun traballo de dous anos de negociación co anterior Goberno e baseado en criterios de Prevención de riscos. Este preacordo xa estaba enviado a Función Pública, pendente da súa tramitación final, e é vontade do Comité que sexa este acordo ou un mellor o que finalmente se aprobe.
2.- Acordo de equiparación a Educación: trátase da extensión dos beneficios de que disfrutan os traballadores da Consellería de Educación e Ordenación Universitaria, aos que cumpren as mesmas funcións (auxiliares, ordenanzas, etc) dos centros educativos da Consellería. Acordouse concreta-lo na próxima reunión.
3.- Lei de Pesca: a intención da Consellería é de reformala ou deixala en suspenso. Se non lles da tempo cambiarán asuntos puntuais e reformarase máis profundamente mais adiante.
4.- INTECMAR: se suspende a súa volta á Xunta coa suspensión da Lei de Pesca e a intención e deixalo como ente público , amosamos o noso desacordo con esta decisión. Tratamos algúns temas internos do INTECMAR como a representación dos traballadores da Xunta no Consello do ente.
5.- Pediuse a colaboración da Consellería na fusión das listas das categorías III-17, III-61 e III-26. Dixeron que falarían con Función Pública para axilizar a fusión.
6.- Negociación: Convocarase unha próxima reunión en Xullo, para continuar falando destes temas.
En conclusión, a reunión foi fundamentalmente unha primeira toma de contacto, e quedou comprometido para que na próxima reunión tivera respostas para os temas propostos.
Quedamos á espera da próxima reunión.A impresión foi de apertura ao diálogo, mais nas propostas de índole económica o negativo foi a confirmación do plan de choque e o plan de austeridade para todas as Consellerías. Esperamos que os traballadores cós soldos mais baixos non resulten –como soe ocorrer – os que pagan os problemas da crise.
(Este comunicado o asinamos as centrais sindicais CIG, CSIF e UGT porque a outra central con representación no Comité de Empresa non respectou o acordo de publicación conxunta dun comunicado e publicitou o seu anteriormente).