Os orzamentos xerais do Estado para 2013 foron presentados o pasado sábado; incorpóranse varias medidas para aumentar a recadación en máis de 4.000 millóns de euros. Desde a nosa páxina difundimos e apoiamos unha serie de medidas fiscais, en base á progresividade, que permitían aumentar a recadación en 63.000 millóns.
Estes días, desde o Ministerio de Facenda e Administracións Públicas están remitindo unha carta tipo en resposta a todas aquelas persoas que presentaron o modelo de alternativa aos recortes co obxecto de acadar o obxectivo do Déficit Público. Neste educada comunicación, asindada por un membro do Gabinete, agradece a achega que valora como "unha forma directa de coñecer a opinión da cidadanía" así como un "estímulo para continuar na labor encomendada ao Goberno para superar a crise económica".
Máis aló da palabrería, se analizamos as medidas do Goberno finalmente implantada en comparación coas que lle facíamos chegar aló por xullo podemos concluír que a opinión da cidadanía, dos técnicos de Facenda, de distinguidos economistas e de xuristas non lle supoñen nigún estímulo en comparación coas das persoas defraudadoras. E o que é máis grave, a superación da crise económica queda supeditada ao benestar, non da cidadanía, senón da banca.
| Medidas tributarias incluídas nos Orzamentos 2013 | Recadación anual adicional (en millóns de euros) |
| Imposto de Sociedades (eliminación da dedución por amortización ás grandes empresas) | 2.371 |
| Novo impossto lotarías | 824 |
| Imposto patrimonio (prórroga) | 700 |
| Gravame especial actualización balances empresariales (recuperación) | 300 |
| Dedución por vivenda habitual (eliminación) | 90 |
| Modificación réxime tributación plusvalías 1º ano | 90 |
| Total | 4.375 |
Dado o montante dos cartos destinados a pagar os intereses da débeda (36.800 millóns de euros), esta cantidade xa comeza a ser considerada por moitos expertos como débeda odiosa. Para comprender tal magnitude cómpre destacar que ista cifra é a mesma que a destinada aos gastos dos diferentes ministerios. Canto antes afrontemos que esta débeda, co sistema actual de financiamento, é impagable, antes tomaremos as medidas necesarias para saír desta vía morta.
En calquera caso, e persistindo no seu desesperado interese de financiarse a través de préstamos abusivos de acreedores privados no canto de que o BCE cómpre débeda pública ou renegociar, cómpre recordarlle ao Ministerio de Facenda que a progresividade fiscal recollida no artigo 31 da Constutución non só mantén o seu vigor nunha crise económica senón que o reforza.
QUE PAGUE MÁIS QUEN MÁIS TEN E SOBRE TODO AS PERSOAS RESPONSABLES DA CRISE