Novas por contido

Presenta escrito de alternativas económicas ante o Goberno elaborado pola Xunta de Persoal e Comité de Empresa de Servizos Centrais.

Que non che vendan a moto, non te fíes da cara de estreñimento coa que saen os representantes do PP dicindo que non se pode facer outra cousa, que este é o único camiño.  O único camiño si, pero o único camiño para a estafa e o saqueo ao pobo.

Desde a CIG defendemos que é posíbel conseguir ingresos engadidos a través de medidas alternativas ao simple recorte indiscriminado do gasto público que está aplicando o Goberno de España; propostas como as que nos achegan as compañeiras e compañeiros do Sindicato de Técnicos do Ministerio de Facenda. Unhas propostas que van por unha vía impositiva realmente progresiva e pola persecución seria do fraude fiscal e laboral. Datos concretos e medidas concretas cos que o Estado podería conseguir 63.809 milllóns de €.

Medidas
Recadación anual adicional (en millóns de euros)
Novo tipo do 35% no Imposto de Sociedades para beneficios a partir do millón de euros13.943
Redución da economía sumerxida en dez puntos38.577
Imposto sobre a riqueza
3.399
Prohibición das operacións en corto contra a Débeda Pública*1.400
Restriccións ao sistema de módulos, SICAV, tipo da Renda do Aforro e gañancias patrimoniais especulativas1.490
Imposto ás Trasnsaccións finacieiras5.000
Total
63.809

*instando a súa implantación no ámbito da Unión Europea

Agora cabe facerse a seguintes preguntas: por que o Goberno prefire afogar ás persoas en paro, as que teñen unha pensión, ás traballadores e traballadoras en xeral? Animámosche a que difundas esta información entre os teus contactos e lles deixes as mesmas preguntas xunto con esta información nas caixas de correo do Presidente e a Facenda.

Modelo de escrito de alternativas aos recortes

Tamén podes encher cos teus datos e presentar por rexistro, dirixido ao Presidente do Goberno e ao Ministro de Hacienda, o seguinte escrito que foi eleaborado pola Xunta de Persoal e Comité de Empresa de Servizos Centrais da Xunta de Galiza, e por suposto tamén foi presentado xa por estes órganos.

Desde a Xunta de Persoal e Comité de Empresa de SSCC animan aos traballadores e traballadoras públicas, así como a toda a cidadanía, a presentar en masa o dito escrito. Desde a CIG respaldamos e apoiamos esta medida.

Descarga escrito para presentar por rexistro

*atoparas 2 escritos idénticos pero un dirixido a Mariano Rajoy e outro a Cristobal Montoro, responsábel de Facenda.

Outras novas recentes

Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...