Novas por contido

Non aconteceu en Marinaleda, senón en "Marineda City", e non se trata de Sánchez Gordillo, senón de dous altos cargos da Xunta que, segundo informa "La Voz de Galicia", foron agasallados nunha grande área comercial cun carro da compra cheo de produtos de primeira necesidade.

O xornal informa nestes termos sobre a familia formada por dous altos cargos: "Imaxinen, coa que está caendo, ter unha chea de fillos. É o caso da familia Vidal-Pardo Lado, que ten tres nenos pequenos, e que onte recibiu no Hipercor de Marineda [City] unha axuda en forma de carro da compra con produtos de primeira necesidade cedidos por empresas da comunidade e valorado en 300 euros. Todo grazas ao programa obxectivo 2000, posto en marcha por El Corte Inglés e AGAFAN (Asociación Galega de Familias Numerosas)."

A parella que recibiu o carro de productos de primeira necesidade para familias numerosas está formada polo secretario xeral técnico da Consellería do Medio Rural, Francisco José Vidal-Pardo y Pardo, e a directora xeral da Asesoría Xurídica Xeral da Xunta, Cayetana Lado Castro-Rial.

As retribucións desta parella de altos cargos atinxen uns ingresos conxuntos de máis de 135.000 € brutos anuais, bastante máis que a maioría das familias galegas, e que deberían abondar para comprar pan, fabas, arroz e cacao a discreción.

A diferencia das accións da asemblea de desempregados da CIG de Ferrol ou a do alcalde de Marinaleda en Andalucía, isto non será perseguido penalmente polas autoridades. Tampouco suscitará a indignación dos principais columnistas da prensa "libre e independente". Todo un exemplo do estado de descomposición ética do neoliberalismo que nos está a levar á ruína como sociedade.

Desde a CIG-Autonómica, consideramos que non se trata dunha cuestión privada dos dous altos cargos, senón dunha cuestión ética con relevancia pública. Algo funciona moi mal neste país cando quen recibe esta axuda é unha parella de altos cargos dun Goberno que aprobou o maior recorte salarial e de dereitos aos empregados públicos e aos traballadores en xeral, nun país no que xa forma parte da vida cotiá ver persoas desempregadas e desafiuzadas vivindo na rúa e agardando a que pechen os supermercados para recolleren comida caducada do lixo.

Descargar a nova publicada en "La Voz de Galicia" (edición local da Coruña) do 24/10/2012

Fontes:

Outras novas recentes

Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade. 1. Cal...
Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...