No BOE do 21/11/2012 foi publicada a Lei que regulamenta as taxas aplicables no ámbito da Administración de Xustiza. As ditas tasas supoñen un atranco para recurrir á xustiza nun mundo cada vez máis inxusto para as persoas que teñen menos recursos.
A dita lei é un dos proxectos estrela do ministro de Xustiza, Alberto Ruíz-Gallardón, non sabemos si co obxectivo simplemente de recadar, de desatascar os xulgados ou, simple e sinxelamente, de convertir a Xustiza nun ben de luxo, só ao alcance das grandes fortunas, reducindo así a igualde ante a Lei e o dereito á tutela xudicial efectiva a meras declaracións baleiras de contido efectivo, ao igual que a maior parte dos dereitos amparados en teoría pola Constitución de 1978.
Ao dereito ao traballo, a unha vivenda digna, á saúde e á educación, vén agora a engadirse o dereito á xustiza, que se convirte así noutra peza sacrificial máis no altar do rescate ao sistema financieiro, acrecentando á lista de antigas conquistas das maiorías sociais asumidas polos sistemas políticos occidentais desde o final da II Guerra Mundial e que agora están en cuestión.
Por outro lado, dado que os empregados públicos temos que resolver unha boa parte dos desacordos coa Administración nos xulgados, sexa na vía do Contencioso-administrativo (persoal funcionario) ou na vía do Social (o persoal laboral), esta reforma introduce unha modificación profundamente inxusta, e mesmo discriminatoria, no sistema de defensa dos nosos dereitos laborais ao facer pender sobre o seu exercizo a ameaza dun custe sobreengadido que pode facer mesmo inasumible por parte dos traballadores e traballadoras calquera acción legal.
O incremento respecto das tasas anteriores non ten precedentes, como se pode apreciar na seguinte relación:
A maiores: coa entrada en vigor desta reforma promovida por Gallardón, haberá que aplicar unha porcentaxe de 0,5% á contía do procedemento xudicial (ate 1 millón de eur. se é máis soamente o 0,25%)
Descargar o BOE do 21/11/2012
