Novas por contido

A promoción interna de corpos xerais (OPE-2008) xa pasou, non sen tempo, pola Comisión de Persoal (10/2/09), polo que nuns días será publicada no DOG.

Moito mudaron as cousas dende o primeiro borrador (10/12/08) ate o derradeiro tras varias xuntanzas, alegacións e discusións. Finalmente temos uns textos que, sen enchernos de ledicia, supoñen un importante paso adiante no modelo de promoción.

  • Reducción e racionalización de probas: non hai ningún grupo con exercicios de desenvolvemento de tema nin lectura ante o tribunal. Todas as probas de todos os grupos van ser tipo test, agás o segundo exercicio do subgrupo A1 que é un suposto práctico a desenvolver podéndose levar lexislación. En C2 retiran a proposta inicial de incorporar “Access”.
  • Temario: reducción importante de temario e desaparecen case por completo os temarios ambiguos, substituíndose por disposicións normativas.
  • Recualificación de posto: tal e como estaba previsto na oferta de emprego, e por primeira vez na historia, quen supere o proceso quedará no posto, ben sexa por ocupar un posto aberto ao grupo superior, ben por recualificación do mesmo. Esto é de aplicación a A1, A2 e C1. Laiámonos de que non se aceptara a recualificación tamén do C2.
  • Concurso: no seu conxunto non é totalmente do noso agrado, pero recoñecemos a importancia da antigüidade (50% do concurso), e a igualdade no máximo de puntuación de grao e nivel (a proposta inicial triplicaba o nivel, que é a circunstancia, en comparación co grao, a historia).

Poren, hai outras cousas que non foron aceptadas, como:

  • Non se establece a nota de corte nas bases, quedando ao albedrío do tribunal.
  • Eliminación da proba específica de galego a cambio da realización de todos os exercicios no idioma propio de Galiza.
  • Recoñecemento do mérito que supón ter superada a fase de oposición de promocións internas anteriores (e quedar fora pola suma coa fase de concurso). Subliñar o compromiso de que quen estea nesta circunstancia quedará exento/a, voluntariamente, da fase de oposición na promoción interna vindeira.
  • Procurar unha formula que produza o menor impacto de desprazamentos en C2.

Como nunca chove a gusto de todos/as e cada quen fala da feira segundo lle vai, queremos facer constar algunha cuestión que deu lugar a controversias ao longo do proceso de negociación:

  • Dereitos de conciliación: é obrigatorio por lei que nas fases de concurso aparezan estes méritos. A puntuación que se recolle é pequena, pero a nosa proposta é limitala inda mais.
  • Informática en C2: a estas alturas, sería unha faena mudar o software (Microsoft Office), polo que reclamamos un compromiso público de que as vindeiras realizaranse con software libre, algo ao que a Directora de F.P. non se comprometeu.
  • Permanencia no posto (A1, A2 e C1): recibimos criticas por non ter opción de mudar de posto. Conformes, pero comparando a actual recualificación coa situación anterior que forzaba ao desprazamento (incluíndo cambios de localidade), resulta mais xente beneficiada con este sistema.
  • Hai quen ve demasiado sinxela a fase de oposición. Esta visión provén de funcionarios/as con poucos anos de antigüidade. Non lles falta razón, pero deben entender que a promoción non existiu antes do 2002 e para a CIG hai un criterio fundamental: comezar polos mais antigos. Estamos certos de que co paso do tempo a visión da feira será outra. 
  • Rematamos co CSIF. So hai unha explicación ante a súa proposta de ampliar as distancias dos chanzos nos méritos de nivel e grao. Que negocie un ex-subdirector xeral.

Se dubidabas en presentarte á promoción interna, esta á unha boa ocasión.

Outras novas recentes

Venres, 29 Agosto 2025

O PP despreza ao persoal bombeiro forestal

Xa sabiamos que para o PP a culpa dos lumes é de todo o mundo menos deles. Agora ben hoxe coñecemos unha mensaxe tremenda da presidenta do PP do Barco de Valdeorras nas redes sociais. Que esta señora afirme que a única culpa dos lumes a teñen os incendiarios e algún das brigadas forestais supera tódolos límites e ahí sí que se van atopar de fronte coa CIG. E non contenta...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...