A Xunta ven de presentarnos dous novos documentos, un sobre as condicións económicas e outro sobre as condicións de traballo na Área de Benestar.
O que non entendemos é cómo de caótica é a organización da Xunta cando en negociacións paralelas a Consellaría de Traballo e Benestar propón cartos para compensar o traballo en domingos e festivos e a Consellaría de Medio Rural e do Mar di que non hai cartos. O persoal laboral da Xunta de Galiza é único, de aí que exista un Convenio Único e que só teñan cabida as regulacións de condicións especiais. Pero a compensacións por domingos e festivos, o descanso substitutorio do traballo o 24 e 31 de decembro son cuestións comúns a todo o persoal laboral da Xunta que traballa eses días.
Outra cuestión é por qué a Administración pretende agora recoller nun Acordo o que xa está recollido no Convenio. E aí falamos non só do 24 e o 31 dos que xa nos retiraron as compensación pola lei de medidas, senón do artigo 19.1 do Convenio que queren agora suprimir na Lei de Orzamentos. Como poden suprimilo por lei e ao mesmo tempo estar a negocialo? O primeiro paso para que nos creamos algo do que prometen sería retirar do proxecto de Orzamentos a supresión do artigo 19.1 do Convenio.
Dos novos documentos aportados pouco máis se desprende que a suba das cantidades destinadas a compensacións durante o ano 2013. Parece que a Xunta non entende que a filosofía é diferente. Estamos pedindo tempo de descanso, compensacións horarias por traballar domingos e festivos e non cartos.
Descarga os documentos:
- Acordo sobre o pago de COMPENSACIÓNS ECONÓMICAS POLO TRABALLO EN DOMINGOS OU FESTIVOS oficiais do persoal dos centros de xestión propia da área de benestar da Consellería de Traballo e Benestar da Xunta de Galiza. Descargar.
- Acordo sobre as CONDICIÓNS ESPECIAIS DE TRABALLO do persoal dos centros de xestión propia da área de benestar da Consellería de Traballo e Benestar da Xunta de Galiza. Descargar.
