Novas por contido

No eido dos estudos históricos denomínase absentista a aquel que ve medrar as súas rendas e o seu patrimonio descoidando a súa explotación e as súas obrigas.

Feijoo, ven de declarar que o absentismo na Xunta de Galiza pola aplicación da Lei de Medidas reduciuse notablemente e isto supuxo un aforro de 26 millón de euros. Isto faino o mesmo día que coñecemos que o seu patrimonio medrou considerablemente nestes dous anos de recortes. Mentres os/as empregados públicos/as vimos mermar as nosas retribucións en case un 15% en dous anos el ven de incrementar o seu patrimonio nun 12% nunha época de crise.

E unha vez máis este absentista utiliza aos empregados/as públicos/as de escudo para tratar de desviar a atención do bochornoso incremento patrimonial, mentres descoida as súas obrigas como cabeza dunha Administración Pública que esmorece.

No proceso de elaboración da Lei de medidas, Feijoo xa utilizou o argumento do aforro que se produciría ao suprimir os días de asuntos persoais e do imposto sobre a enfermidade que supoñía o deixar de pagar o 100% das IT.

Xa daquela calculaba un aforro de 22 millóns de euros por este concepto. A CIG mostrouse disposta a sentarse e estudar o tema do absentismo pero con datos e cifras reais. A Xunta declinou o ofrecemento. Pedimos datos das IT e as taxas de absentismo laboral en cada consellaría para valorar si efectivamente era un problema, analizar as causas e poder saber si existía tal absentismo ou era superior ao do sector privado. Moito tiña que ocultar a Xunta porque nunca ofreceu datos que puidesen demostrar que o absentismo fose superior ao do sector privado.

E agora, xusto cando descubrimos que Feijoo incrementa o seu patrimonio, a Xunta ponlle diante a caetra do recadado coas baixas dos empregados/as públicos/as para demostrar a implicación de Feijoo coa austeridade. Austeridade non aplicable a este absentista, que vive de rendas esperando a chamada de Madrid mentres descoida as súas obrigas coa Administración galega porque durante catro anos de pasmoneo vai ter asegurado o seu 12% aínda que os Servizos Públicos esmorezan.

Outras novas recentes

Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...