A consulta é para coñecer a opinión das traballadoras e traballadores sobre se prefiren a compensación en tempo de descanso ou en cartos

A Consellería de Traballo e Benestar deixou de compensar en tempo de descanso, o traballo en domingos e festivos en abril de 2012. Dende aquela o persoal laboral das residencias de maiores, centros sociocomuntarios, centros de menores e CAPD, non teñen nengún tipo de compensación. Na actualidade a Xunta de Galiza, oferta unha compensación económica que vai dende os 17 ata os 30 € segundo a categoria que sexa, por un día de traballo en domingo e festivo, e desbota totalmente a posibilidade de compensar con tempo de descanso tal e como se viña collenda ata o ano 2013.

O Comité de Empresa de Traballo e Benestar da Coruña, considera que deben ser os propios traballadores e traballadoras os que manifesten a súa vontade por unha ou outra posibilidade. Con este fin convoca a un Referédum aos 800 laborais da provincia da Coruña, que prestan servizos en residencias de maiores, centros sociocomunitarios, centros de menores e CAPD. A consulta celebrarase o vindeiro xoves 14 de marzo de 2013, de 14,00 horas ata as 16,00 horas en centros de mais de 50 traballadores/as e nunha mesa itinerante que recorrera os demais centros de 9 horas a 13 horas.

O resultado da consulta vai ser trasladado á consellería de Traballo e Benestar para que coñeza a vontade maioritaria do persoal en canto a como deben ser compensados os días de traballo en domingos ou festivos, si con cartos ou en tempo de descanso.