• Denuncian que a Xunta utiliza con afán racadatorio a desesperación da xente por atopar un traballo.

• Os chamamanentos de persoal interino están prácticamente conxelados.

Na actualidade e con carácter xeral,  o acceso á condición de persoal interino o temporal na Xunta de Galicia continua regulado polo Decreto 37/2006 que viña de substituír á anterior regulación do ano 2003. Con el pretendíase, entre outras cousas, implantar un sistema de listas permanentes, de xeito que as persoas que se apuntaban nunha lista continuaban nela, sen necesidade de renovar a súa solicitude.

O transcurso do tempo demostrou que o funcionamento do Decreto presenta múltiples deficiencias tales como saturación de listas, empates masivos nas puntuacións por defectos no baremo ou penalizacións excesivas por non atender chamamentos.  Ao fin de mellorar estes aspectos as diferentes organizacións sindiccais levan anos solicitando a súa modificación e a resposta é a de sempre “estamos traballando niso”....

A maior abastamento e lonxe de mellorar a xestión da mesma, a situación nos últimos dous anos vense de AGRAVAR por mor da introdución nas últimas Leis de Orzamentos dunha restrición brutal nos chamamentos para a cobertura de prazas, restrición que de facto, ven de “conxelar” as listas, resultando que os movementos nelas son practicamente inexistentes, permanecendo os integrantes das mesmas, na maior parte dos casos no mesmo posto durante meses e incluso anos.

Por todo o dito consideramos que é de xustiza modificar con urxencia a antedita normativa e entendemos que é necesario arbitrar un sistema que permita a devolución das taxas aboadas a aquelas persoas que soliciten abandonar a listaxe ou listaxes á vista das nulas posibilidades ser chamados para a cobertura dun posto.