Novas por contido

Por primeira vez en anos, os directores das Residencia de Maiores, Centros de Menores e CAPD da Coruña, aparecen a primeira hora dun domingo nos seus postos directivos, obrigados para exercer o control sobre as presencias dunhas carteleiras, que eles mesmos inflaron a proposito, co fin de obrigar ao persoal a traballar dous domingos consecutivos, 7 días continuados e quendas de 3 noites de servizo. A pesar de cobrar o complemento de especial responsabilidade é a primeira vez no exercicio do seu cargo de libre desginación (a dedo), que os directores aparecen polos Centros que dirixen. Circunstancia que sorprendeu aos traballadores ao ver, por primeira vez na súa vida, a un director acudir ao seu posto en domingo.

A xornada de folga desenvolveuse sen incidencias, con concentracións nas residencias de Caranza en Ferrol e Porta do Camiño en Santiago de Compostela.

O Comité de Empresa non ten datos de porcentaxe de participación na Folga, pero non era este o obxectivo primordial da convocatoria (non buscamos penalizar aínda máis ao persoal laboral con días de desconto), que tiña como referencia denunciar a sobrecarga de traballo que supón impoñer quendas de traballo abusivas, inxustas e discriminatorias. Este finalidade queda demostrada; os domingos pode prestar funcións o persoal fixado como servizo mínimo e solo é unha imposición arbitraria e caprichosa incrementar con persoal a maiores os departamentos, retirando mesmo de luns a venres a persoal das quendas para "engordar" os domingos. Tampouco existe intención  por parte da consellería de Traballo e Benestar de ao contrario que si fai co persoal directivo, compensar con tempo de descanso o traballo en domingos e festivos.

O Comité de Empresa reitera a súa oferta de dialogo á conselleira Beatriz Mato para resolver este conflicto, que deteriora as condicións de traballo nos centros e supón un ataque ao dereito ao descanso do persoal laboral das residencias de maiores, centros de menores, CAPD A Coruña e complexo xuvenil As Mariñas.

Outras novas recentes

Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...
Mércores, 18 Novembro 2026

Promoción interna corpos xerais, destinos veterinarios/as, gardacostas, PSX, funcionarización en excedencia (CP 17/11/26)

Na Comisión de Persoal do 17 de novembro votáronse as convocatorias de procesos selectivos de promoción interna para o corpo superior A1, corpo de xestión A2, e corpo auxiliar C2 . O noso voto foi en contra das bases desas convocatorias xa que non estamos conformes coas restricións do número de prazas, de escalas nin de recualificación dos postos ou dalgún sistema que...
Xoves, 19 Novembro 2026

Aplicación do Decreto 37/2006 e listas definitivas de PSX e xerocultura

No DOG do 19/11/2026 publican: - RESOLUCIÓN do 13 de novembro de 2026, da Dirección Xeral de Emprego Público e Administración de Persoal, pola que se dispón a aplicación do Decreto 37/2006, do 2 de marzo, na cobertura dos postos do corpo auxiliar da Administración xeral da Comunidade Autónoma de Galicia, escala de persoal de servizos xerais (PSX), e do corpo de auxiliares...