A consellaría de Traballo, entre xuño e decembro do pasado ano, botou a rúa a 223 traballadores/as das oficinas de emprego; tanto aos contratados para a orientación como aos do seguimento do plan prepara. Hoxe mesmo está comunicando a rescisión dos contratos de traballo do persoal laboral temporal e o indefinido, tanto o que supervisa as subvencións finalistas procedentes dos fondos europeos como os das unidades da dependencia de Santiago, Ferrol e Vigo.
Sorprendentemente e sen a previa comunicación ás OOSS, enterámonos que Traballo vai a celebrar 20 contratos que se extenderán ata o remate deste ano e co obxecto de controlar o fraude nas prestacións. Traballo elabora unha memoria explicativa, a que non é discutida coas OOSS, na que xustifica a contratación co chamamento das listas de contratación A2 coas titulacións específicas de Diplomado/a en relacións laborais ou traballador social ou educador social.
Despois de proceder ao brutal desmantelamento das oficinas de emprego, agora pretenten un mínimo parcheo para que Traballo cumpra coa súa obriga legal de controlar as subvencións do plan prepara, ás que se encamiñan a aqueles desempregados/as que xa esgotaron tanto as prestacións como o subsidio e percibirán ao longo de 6 meses 400 euros e, para elo, hai que facer un seguimento da declaración de búsqueda activa de emprego.
