Informábamos o xoves 2 de maio que a Consellaría de Educación ditara unha circular non negociada na que se lle prohibía ao persoal de administración e servizos a matrícula nas probas de certificación de idiomas. A CIG-Autonómica denunciou os feitos e enviou escrito a Educación solicitando a depuración de responsabilidades e a apertura dun expediente informativo ao Director Xeral de Educación por vulneración dos dereitos fundamentais.

Pois ben, responsábeis da consellaría contactaron coa CIG-Autonómica para informarnos que se trata dunha mala redacción e que van rectificar a circular para que o persoal non docente poida matricularse por libre en centros distintos aos que presta os seus servizos.

Inda que supoñemos que a decisión do cambio foi debida á dubidosa legalidade da circular, con esta nota queremos recoñecer a reflexión e cambio da consellaría.