Novas por contido

A Xunta recua os anos 90 voltando a ofertar os concellos a contratación  de parte do dispositivo de reforzo de verán na loita contra os incendios forestais e recupera medidas de antano que resultaron ineficaces e partidistas. Un ano máis, en momentos previos á contratación do reforzo de verán para a loita contra os incendios forestais, a falta de previsión e transparencia fai que a planificación e organización brille pola súa ausencia.

A día de hoxe, o reforzo de brigadas no período de máximo risco para a extinción e prevención de incendios forestais é clave na planificiación e organización deste dispositivo. Inicialmente, desde os anos oitenta comezaron sendo brigadas contratadas polos concellos, aos que pouco a pouco se lle foi incorporando persoal da Xunta a través dos plans INFOGA primerio e PLADIGA despois. Posteriormente as brigadas dos concellos foron substituídas por brigadas de SEAGA e o ano pasado por brigadas de TRAGSA e de Natutecnia (para as brigadas helitransportadas). Pois ben este ano, como o cóctel de persoal no dispositivo era pouco, a Xunta quere engadir de novo brigadas contratas polos concellos.

O sistema de contratación de brigadas a través dos concellos empregado no pasado, foi desbotado polo escaso rigor nos criterios de contratación (criterios dispares en cada concello, carentes de transparencia), á súa desvinculación a o mando único (ao depender de cada concello), á baixa profesionalización (dotación de medios que deixaba moito que desexar, nula formación), e á pequena contribución ao dispositivo de incendios (ao estar facendo outras tarefas para o concello como regar árbores, adecuar parques, . . .).

A CIG vén denunciando sistematicamente estes sistemas arbitrarios de contratación, carentes da máis mínima planificación e xustificación técnica. Esta nova provocación supón retroceder anos na profesionalización do sistema de defensa contra incendios forestais e xogar de forma partidista cun reforzo que supón miles de contratacións, e polo tanto outros tantos miles de favores (desta volta a prol dos alcaldes).

Dáse o paradoxo que neste verán vamos mirar polos montes galegos persoal propio da Conselleria, de Seaga, de Natutecnia, de centos de concellos, polo que preguntámonos, é cómo van facer co mando único con tantas empresas??? Quén se vai facer cargo de todo o persoal??? Vamos ver como técnicos forestais de Natutecnia desempeñarán as funcións de directores de extinción nun incendio??? Dende a CIG afirmamos que dividindo o operativo lévamos a un maior descontrol dos medios á hora da extinción, polo que existe un maior risco para as persoas que traballan nas citadas labouras, consecuentemente, un maior número de hectáreas queimadas. Ésto parece ser que non é preocupante para o goberno galego do Sr. Feijóo; qué intereses existen para que un operativo de extinción público como é o noso e recoñecido fóra de Galiza teña agora que retroceder anos na súa evolución?

Outras novas recentes

Xoves, 03 Abril 2025

A CIG denuncia a opacidade da EGAP na selección, retribucións e compatibilidades do persoal formador

Entre os cometidos da Escola Galega de Administración Pública (EGAP) atópase a formación do persoal propio da Administración. Boa parte desta formación impártea persoal empregado público, que é  seleccionado polos órganos de dirección das diferentes consellerías en colaboración coa EGAP. A Lei 53/1984, do 26 de decembro, de incompatibilidades do persoal ao servizo das...
Mércores, 26 Marzo 2025

Boletín CIG-Saúde Laboral nº 59 - marzo 2025

Boletín do Gabinete Técnico Confederal de Saúde Laboral da CIG. Neste número: Riscos psicosociais e saúde mental no traballo: Que son os riscos psicosociais? Que importancia ten o problema? Que se pode facer para previr e xestionar os riscos psicosociais? Prevención e xestión dos riscos psicosociais relacionados co traballo Apoio ao persoal que se enfronta a retos...
Xoves, 27 Marzo 2025

Estase a restrinxir o teletraballo ás bravas?

A prestación de servizos na modalidade de teletraballo na Administración da Comunidade Autónoma de Galiza funcionaba ata o de agora con relativa normalidade agás a xa endémica opacidade da Xunta e a reiteración do incumprimento da convocatoria das Comisións de Seguimento para que as organizacións sindicais poidamos exercer un control.   Mais nos últimos días están a chegar...