Novas por contido

A Xunta de Galiza publica un vídeo retrógado no seu web sobre o concepto "familia galega" e aproveita para facer pedagoxía dos recortes cos cartos de todas e todos.

A Xunta de Galiza celebra hoxe o día da familia e o goberno galego súmase á declaración deste día como día internacional da familia, a familia auténtica,  a que describe con imaxes no seu web corporativo:  avoa aforradora, papá, mamá, imaxinamos que casados pola igrexa, evidentemente fillo e filla (ou os que veñan), coa deformidade psíquica ou física que Deus decida no período de xestación, como ten que ser... Imaxinamos que isto é o que entende por familia este goberno, familias que se portan ben, que non van a manifas do 15-M, sen ir máis lonxe, que non protestan e que non están sindicados.

Hoxe, tamén se publica a modificación da RPT de Traballo e Benestar, hoxe hai 59 familias que se van á cola do paro, hoxe tamén hai familias, seguramente que desas que son exemplares, de ben, que se van beneficiar das 80 LD´s que se publican.

A Xunta, hoxe, prefire gastar os cartos que detrae dos servizos públicos nun vídeo casposo e retrógrado, con ese arquetipo de familia “Cuéntame”, pobre pero feliz,  inculcando as mesmas mensaxes coas que o telexornal nos ilumina cada día, que por se non te enteraches aínda, son as que seguen:

NON GASTAR MÁIS DO QUE SE TEN.  E para iso nada mellor que che leve de vacacións, pola puta cara, o teu amigo narcotraficante, a sitios onde había neve pero dos que nin te lembras.

DAR MÁIS A QUEN MÁIS O NECESITA. Privatizando e amortizando prazas nos Centros de discapacitados e nos centros de maiores, pechando centros de saúde, subindo as matrículas universitarias...

CENTRARSE NO VERDADEIRAMENTE IMPORTANTE. O déficit, evidentemente, que nos aplaudan os señores da troika, aínda que aquí medre a miseria e o paro.

TEMOS O MELLOR MODELO DO QUE APRENDER... AS FAMILIAS GALEGAS. Pero de que familias nos falan? das mesmas que están machacando? E onde quedan as familias monparentais, por exemplo?

NON FACEMOS NADA QUE TI NON FARÍAS. Isto xa é o “non vai máis”, pero que rostro teñen esta xente!!! Quitarnos as extras é algo que ti mesmo te farías a ti mesmo, propoñemos que o seguinte recorte se faga de xeito voluntario, incentivando ao conxunto de empregadas e empregadas públicas a baixarse o soldo de xeito optativo, incluso na cantidade que valoremos, todos e todas, canto nos sobra e canto podemos aportar para saír desta crise que nos merecemos, por non ser, todos e todas, unha familia perfecta. PD: E non vale levar os cartos para Suíza ou cobrar en sobre.

Por certo, todo este spot do que a Xunta do PP entende como unha familia galega ideal vai aderezado  cunha pastelosa canción no idioma propio das familias galegas: o inglés

Outras novas recentes

Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...
Mércores, 18 Novembro 2026

Comisión de Persoal: promoción interna corpos xerais, eleccions destino veterinarios, gardacostas, PSX, funcionarización de categorías en...

Na Comisión de Persoal do 17 de novembro votáronse as convocatorias de procesos selectivos de promoción interna para o corpo superior A1, corpo de xestión A2, e corpo auxiliar C2 . O noso voto foi en contra das bases desas convocatorias xa que non estamos conformes coas restricións do número de prazas, de escalas nin de recualificación dos postos ou dalgún sistema que...
Mércores, 18 Novembro 2026

RPT do Mar (centros de ensino) (26/11/26)

A Secretaría Xeral do Mar convocounos a unha xuntanza para o xoves 26 de novembro, para tratar unha proposta de modificación da súa Relación de Postos de Traballo. A proposta afecta ás escolas oficiais nautico-pesqueira de Ferrol e Ribeira, ao instituto en acuicultura da Illa de Arousa e ao instituto marítimo-pesqueiro do Atlántico de Vigo. En todos eles crean postos de...