Os cargos directivos nomeados a dedo por Beatriz Mato, cobran complementos salarias por especial responsabilidade, dedicación exclusiva e funcións pero NON TRABALLAN COMO O RESTO DO PERSOAL LABORAL DOS CENTROS DE ATENCIÓN DIRECTA OS DOMINGOS E FESTIVOS.
O Comité de Empresa da Xefatura Territorial da Coruña da Consellería de Traballo e Benestar da Xunta de Galiza, presentou no día de hoxe unha petición a Beatriz Mato para que, igual que o fan coidadores, auxiliares de enfermeria, camareiros-limpadores, ordenanzas, enfermeiros ou persoal de cociña das Residencias de Maiores, Centros de Menores ou do Centro de Atención a Persoas con Discapacidade, o persoal directivo e de libre designación traballe tamén en domingos e festivos,rematando así cunha discriminación e privilexio laboral que se ve ademais agravado ao non considerar a Xunta de Galicia que estes días deben ser compensados especificamente.
O Comité na solicitude enviada a Beatriz Mato fai constar os seguintes puntos:
PRIMEIRO.- A Xunta de Galicia anulou a compensación en días de descanso, por traballar en domingo ou festivo, polo que considera que todos os días da semana son iguales, sen que exista retribución ou compensación para o persoal laboral que esta a desempeñar as súas funcións durante os domingos e festivos do presente ano 2014.
SEGUNDO.- Nos centros de atención directa da Consellería de Traballo e Benestar da Coruña, mantense un grupo de persoal con funcións de dirección como son directores, xefes de departamento, coordinadoras/es e responsables de area, que NON acoden a traballar ningún domingo ou festivo do ano. Desempeñando as súas funcións de luns a venres, mentres o resto de persoal dos seus mesmos centros, traballan os domingos e festivos.
TERCEIRO.- Nesta situación de inasistencia ao seu posto de traballo e NON exercicio das súas funcións durante os domingos e festivos, esta tamén persoal directivo de libre designación da propia Xefatura Territorial, como son a Xefa Territorial, o Xefe de Servizo de Coordinación Administrativa e o Xefe do Servizo Provincial de Coordinación de Centros.
CUARTO.- Este persoal directivo, ten nas súas retribucións salariais unha serie de complementos e incrementos de nivel que compensan adecuadamente a súa responsabilidade, dispoñibilidade e funcións, aínda que a pesar destas retribucións complementarias non consideran oportuno traballar en domingo ou festivo.
QUINTO.- Durante os domingos e festivos do ano prodúcense nos centros de atención directa (Residencias de Maiores, Centros de Menores, Centro de Atención a Persoas con Discapacidade) situacións laborais e de asistencia aos usuarios e familiares que son responsabilidade única de quen ostenta o cargo de director/a nos centros de atención directa, ou doutro persoal que tampouco realiza xornada en domingo e festivos, quedando polo mesmo sen resolverse estas situacións ata o “vuelva usted mañana”. Neste caso o luns seguinte ou primeiro día “laborable” despois dun festivo. Esta situación queda paliada ao asumirse por persoal de servizo a solución dos problemas prantexados, que aínda sen ser da súa competencia deben ser resoltos de inmediato ao estar en centros de atención directa e continuada onde os problemas tamén surxen os domingos e festivos que os cargos directivos gozan de asueto e recreo. Reiterando que o persoal que traballa en domingos e festivos nin ten funcións directivas encomendadas nin percibe ningunha compensación por traballar nestes días específicos.
Nesta situación o Comité de Empresa demanda que a conselleira Beatriz Mato poña fin a esta dobre discriminación á que está a someter ao persoal laboral que traballa en centros de atención directa que están abertos tamén domingos e festivos. Isto é un persoal laboral que traballa domingos e festivos e non recibe ningunha compensación e uns cargos directivos que non traballan ningún domingo nin ningún festivo e reciben toda clase de complementos salariais.