Novas por contido

Os sindicatos con representación na Mesa Xeral de negociación tanto do Estado como de Galiza, convocamos aos empregados e empregadas das distintas administracións que poidan acudir, a concentrarse o martes 15 de xullo ás 11:30 horas diante da Delegación do Goberno español en Galiza, praza de Ourense, na Coruña.

A concentración, que da comezo a unha campaña para reclamar a inmediata convocatoria destas mesas de negociación, demanda que se negocien os aspectos relativos aos orzamentos de 2015, a supresión dos recortes de dereitos laborais e salariais e a execución das sentenzas que obrigan ás administracións á devolución das pagas extras.

O PP gábase de que "estamos en pleno proceso de recuperación", así que queremos a revisión dos Decretos Leis a través dos que introduciron os recortes; a maioría deles especificaban que se trataba de recortes conxunturais e que se reporían eses dereitos e condicións laborais e salariais en canto se recuperara a situación económica.

Lembramos que no caso da administración do Estado xa se repuxo o dereito das pagas extra e o seu persoal xa está a cobrar as extras completas. Porén, a Xunta segue a manter o recorte dun 40% das extras e continúan suprimidos outros dereitos que deben tamén ser recuperados de inmediato.

Están ademais pendentes de execución multitude de sentenzas que obrigan a pagar a extra do 2012 no caso da administración do Estado, e de 2012, 2013 e 2014 no caso da Xunta de Galiza. Por iso considereamos urxente que a Mesa Xeral da Función Pública de Galiza vaia traballando ao mesmo ritmo que se van elaborando os Orzamentos de 2015.

Con esta mobilización conxunta as organizacións sindicais con representación nas mesas reclaman ademais que as negociacións se encamiñen a conseguir maior emprego estable, recuperar o poder adquisitivo e a mellora das condicións laborais que redunden nuns Servizos Públicos de maior calidade.

Xunto a isto lembrámoslle ao Goberno que a súa política de feitos consumados vulnera o dereito á negociación Colectiva –así recoñecido pola propia OIT- así como o intento de darlle continuidade ás súas políticas de recortes a través da CORA, a Actualización do Plan de Estabilidade (2014-2017), o chamado Plan Nacional de Reformas e as modificacións puntuais do EBEP.

Outras novas recentes

Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...