Na Mesa Xeral do 29/07/2014 trataronse unhas modificacións das RPTs das consellarías de Sanidade e Traballo.

RPT de Sanidade

Afirma a CIG que non existiu unha negociación real, que foi un paripé, non modificaron nada. Unha perda de tempo.

• Criticamos en xeral as amortizacións, e facemos especial incidencia nunha delas: a Administración amortiza un posto base para financiar a creación doutro por sentenza xudicial. Non estamos conformes en que para solucionar un problema creado pola administración, eliminen outro posto de traballo; e como sempre, pedimos responsabilidades (como mínimo, ceses) ás persoas que polo seu actuar deu lugar ás sentenzas.
• Se consideran que a xefatura de servizo de montaxe e equipamentos (Lei 17) debe ser de administración especial, queremos a concreción da especialidade, pois se non o fan quere dicir que tanto lles ten e por tanto xa non é especial. 
• Rexeitamos a apertura de postos ao persoal estatutario sen reciprocidade. Rexeitamos especialmente a apertura de postos de administración xeral a estatutarios ao tempo que lle negan o acceso a funcionarios da Lei 17 que teñen a mesma titulación que os estatutarios.
• Queremos unha revisión a fondo da RPT da lei 17 para permitir unha maior permeabilidade entre as distintas clases da lei e así facilitar o seu concurso de traslados, especialmente a saída dos postos a quenes teñen declarados a extinguir.
• Preguntamos pola notificación dunha sentenza firme que recoñece un plus de toxicidade a un analista do laboratorio de Lugo. A persoa que representa a Sanidade, afirma non saber. Agardamos saber algo antes da Comisión de Persoal.
• Como os demais sindicatos, criticamos a situación en que se manteñen os FIS (farmaceuticos), cun nivel moi inferior a outros corpos de inspección da Xunta, e tamén en comparación aos similares doutras comunidades autónomas. Como sempre, a resposta é a mesma: non é o momento.

Sanidade asegura que farán unha revisión de pluses de cara a unha futura RPT.

RPT de Traballo e Benestar

A proposta consiste en que a tres xefaturas de servizo retíranlles o requisito imprescindíbel no curso de inspección de servizos sociais, e os pasan de A11 a AXG (quedan so para administración exclusiva da Xunta de Galiza e non do estado ou outras comunidades).

A CIG criticou no seu momento ese requisito imprescindíbel, e sempre demandamos que os postos sexan AXG, así que estamos conformes coa modificación proposta.