Novas por contido

A Xunta de Persoal dos Servizos Centrais da Xunta de Galiza e o Comité de Empresa convocaban este xoves, 9 de outubro, unha concentración no edificio administrativo de San Caetano para manifestar a súa oposición ao desmantelamento dos servizos públicos, reclamar a recuperación dos dereitos laborais e salariais suprimidos e das pagas extra e rexeitar a Lei de Emprego que se está a negociar. A mobilización coincidía coa segunda mesa xeral na que se está a debater esta lei, artigo por artigo, e da que a Área Pública da CIG xa pediu a súa retirada.


A devolución do que é noso

Mentres no Estado as traballadoras e traballadores públicos cobran as extras completas e lle van devolver o 25% da paga extra de nadal de 2012 no 2015, na Xunta seguimos a cobrar un 40% menos nas extras e en canto a devolución, vai a ser do 12,5% no 2015 e 12,5% no 2016. Isto se contradí coas mensaxes victoriosas en materia económica e de estabilidade orzamentaria que lanza Feijoo, amais de ser un agravio comparativo evidente e facernos sentir traballadoras e traballadores públicos de segunda.

En 5 anos as traballadoras e traballadores públicos galegos se lles quitou un 30% de salario, que as Administracións teñen que ir devolvendo como débeda contraída con nós que é compatible con sacar adiante as contas públicas adiante. O que non ten sentido é que nesa devolución, na Xunta sexamos os últimos. Neste punto berráronse consignas como "Feijóo, tes moita geta, a paga extra querémola completa" ou "Feijóo, moroso, queremos o que é noso".

 

O anteproxecto da lei de emprego público

Neste punto destacouse durante a concentración a falta de vontade de cambiar nada por parte da Xunta que presenta un anteproxecto de lei que para nada defende o emprego público, senón só os privilexios dunha caste determinada (plus de altos cargos, persoal directivo) mentres que para o persoal de a pé propón unha avaliación do rendemento que nada ten de obxectiva e imparcial e que incide directamente na carreira profesional.

Neste sentido defendéronse os servizos públicos, díxose non ás privatizacións cara empresas amigas e os niños de corrupción que supón, e berrouse contra as amortizacións de postos públicos. Fíxose fincapé nas recentes propostas de RPT do IGVS ou do AMTEGA que implican a amortización de decenas de postos, moitos dos cales están ocupados por persoal. Berrouse tamén a consigna de "menos asesores e máis traballadores" en contra da politización da Administración.


A promoción interna

Destacouse o agravio comparativo co persoal funcionario do Estado que ten convocatorias todos os anos e nunha liña similar, non como a Xunta que saca cada 5 anos (con sorte) e cambiando aos poucos o contido das convocatorias.
 
Rematou a concentración co clásico "Mans arriba, esto é un atraco" e o clásico minuto de ruído adicado ao Presidente da Xunta.

Outras novas recentes

Xoves, 19 Xuño 2025

Reunión da CIG coa dirección de AGACAL: nulas respostas a problemas persistentes

Seguimos reclamando a activación das negociacións. A negociación de RPT está estancada no 2021O martes 10 de xuño reunímonos co director e a xerente de AGACAL, logo de ter solcitado a xuntanza xa no mes de marzo na procura de información sobre o contrato de xestión da Axencia para o período 2025-2029 e a activación das negociacións de RPT de AGACAL, máis apenas conseguimos...
Venres, 20 Xuño 2025

Caótica xestión da Xunta de Galiza na residencia de Taboadela: diñeiro público malgastado e atención precaria

Dende a Confederación Intersindical Galega (CIG) erguemos a voz unha vez máis para denunciar a situación crítica do Centro de Maiores de Taboadela, do Consorcio Galego de Servizos de Igualdade e Benestar e a "actitude irresponsable e despilfarradora" da Xunta de Galiza. A Administración Autonómica mantén a persoal na casa cobrando sen traballar, mentres que nas instalacións...
Mércores, 25 Xuño 2025

Cursos AFD en centros de ensino públicos. Máis carga de traballo sen compensacións!

O persoal non docente nos centros de ensino ve incrementada de novo a súa carga de traballo sen contraprestacións. No marco do acordo de colaboración entre a Consellaría de Educación, Ciencia, Universidades e Formación Profesional e a Consellaría de Emprego, Comercio e Emigración, ofértanse as accións formativas do Plan Formativo para o emprego (cursos AFD).Na Orde do 1 de...