O venres 31 de outubro tivo lugar unha xuntanza entre Administración e organizacións sindicais, convocados para o coñecemento dos tres asuntos seguintes: 1) recoñecemento salarial de antigüidade ao persoal laboral temporal, 2) RPT de Cultura e Educación, e 3) homologación das condicións laborais e retributivas do persoal dos entes instrumentais.

1.Proxecto de orde pola que se ditan normas relativas ao recoñecemento do complemento salarial de antigüidade ao persoal laboral temporal ao servizo da Administración da Comunidade Autónoma de Galiza.

A CIG e as demáis organizacións sindicais coinciden co disposto nesta Orde pero denuncian o excesivo retraso na súa regulación cando xa vai moito tempo da directiva europea 1999/70 e piden a celeridade na súa tramitación e entrada en vigor. A Administración recoñece esta tardanza e asume a súa responsabilidade.

"A Administración asume a súa responsabilidade"? E que consecuencias ten "asumir esa responsabilidade"? Un acto de contricción? Quen lle vai devolver o tempo e diñeiro perdido ás traballadoras e traballadores que tiveron que reclamar este dereito en vía xudicial?

2.Proposta de modificación da relación de postos de traballo da Consellaría de Cultura, Educación e Ordenación Universitaria.

A CIG oponse a calqueira amortización de postos de traballo ainda que esta veña imposta pola Lei de orzamentos. A Administración defende que hai o mandato da Lei e esta proposta unicamente ven a completar o xa tratado en mesas pero que agora visto o desenvolvento do concurso houbo que mudar parte das prazas amortizadas. A amortización de 44 postos de traballo previstos execútase en dúas tandas; na primeira fase foron 26 postos; nesta segunda van os 16 restantes.

Curiosidade: é a primeira vez que van amortizar postos na súa tan querida "Cidade da cultura". Aconsellámoslles que comecen a amortizar o propio Gaiás. Eso sí.....devolvendo os cartos.

3.Borrador do acordo Administración-organizacións sindicais de homologación das condicións laborais e retributivas do persoal dos entes instrumentais do sector público autonómico coas establecidas no V convenio colectivo único do persoal laboral da Xunta de Galiza.

A CIG exixe que, ainda tendo en conta o disposto no Decreto 129/2012, a homologación económica sexa efectiva dendo o primeiro día da integración. As demáis organizacións sindicais non se pronuncian. A Administración manifesta que se non hai posicionamento dos sindicatos é posible que traslade esta proposta de acordo ao Comité Intercentros.

Son as outras centrais sindicais as que votaron SI cando nos votamos NON á LOFAXGA e NON ao Decreto de Integración, ás que se pronunciaron por activa e por pasiva e agora calan e somos nós agora quenes nos pronunciamos?