Novas por contido

Fomos convocados a unha Mesa Xeral o 13/03/2015, para tratar unhas modificacións das relacións de postos de traballo do IGV, AXI, AMTEGA e Vicepresidencia. En rogos e preguntas puidemos falar dos concursos de traslados, promoción interna, e outros.

A RPT do Instituto Galego de Consumo, finalmente este asunto foi retirado a petición da Secretaría Xeral de Economía.

En canto á RPT da AXI, manteñen as amortizacións, aceptan a nosa alegación de pasar todas as xefaturas de servizo das delegacións provinciais de A1 a A1-A2 e a formación pásana de 2004 (enxeñeiro de Camiños, Canles e Portos) a 2004-3007 (enxeñeiro Técnico de Obras Públicas, pois inicialmente só llo ían facer á xefatura de Ourense. Reiterámonos nas alegacións presentadas.

Na RPT de Vicepresidencia ratifícamonos nas alegacións presentadas nas xuntanzas previas: rexeitamos as amortizacións (son 21, que se suman aos últimos 112 eliminados).

Na RPT de AMTEGA apenas fan cambios con relación ao que levaron ás xuntanzas previas. Retiran a amortización de 3 postos de interinos e 1 posto de persoal laboral. Pasan de LD a concurso a sección de Xestión Económica e a Subdirección da Área de Atención a Centros Educativos retíranlle a apertura a docentes, deixando como AXG. Opómonos á destrución de postos, rexeitamos a cobertura mediante persoal directivo profesional, non nos gusta que a maioría dos postos dependan da dirección e demandamos a creación dunha estrutura de centros de destino sirva nos concursos de traslados.

Con relación a todas as RPT´s, pedimos os códigos dos postos que foron a concurso así como os das persoas que concursaron porque entendemos que todos eses postos están orzamentados e non se poden amortizar coa excusa de carecer de orzamento en función do estipulado nas leis de orzamentos.

En rogos e preguntas, preguntamos por:

A circular da consellaría de Traballo na que obriga aos traballadores/as a comunicar antes do 31 de marzo tanto as vacacións como os 6 días que se poden unir aos moscosos, e a problemática existente en Lugo cos legoeiros, da cal fixemos unha exposición do que está a acontecer con estes traballadores/as. O Director de Funcion Pública quedou en dar resposta pronto.

Concursos de traslados e promoción interna pendentes. Segundo o DXFP, o luns enviarían as bases do concurso de administración xeral. Para o resto de concursos non teñen datas. En canto á promoción interna, nunhas dúas semanas mandarán uns borradores novos, según o director, con cambios substanciais. Os temarios serán elaborados pola EGAP.

Outras novas recentes

Mércores, 25 Xuño 2025

Monte e rural galego, razóns de vida para a prevención de riscos. Quique Casanova in memoriam (26/06/2025)

Xornada técnica de incendios organizada pola CIG-Autonómica de Lugo, in memoriam de Quique Casanova, prezado compañeiro falecido nun incendio forestal.  A xornada terá lugar o xoves 26 de xuño de 2025 no salón de actos da Deputación Provincial de Lugo. Dará comezo ás 9.30 h, e a súa clausura está prevista para as 14.30 h. O aforo é libre, previa inscrición no enderezo
Venres, 27 Xuño 2025

Rueda culmina a creación do «Instituto Galego de Trolas» (IGT), en suplantación do IGE

Co silandeiro cesamento do director do IGE, Rueda liquida o que até o de agora fora o Instituto Galego de Estatística, vendido ás empresas privadas e transformado nun medio de censura máis, xunto coa RTVG Esta é a crónica dunha suplantación fría e rapidamente calculada. Dende o intre en que Rueda encargou un informe á medida á empresa Sondaxe —grupo de La Voz de Galicia—...
Mércores, 25 Xuño 2025

Convocatorias de oposicións de escolas náutico-pesqueiras, cociña, coidadores e subalternos (CP 24/06/25)

O martes 24 de xuño tivo lugar unha xuntanza da Comisión de Persoal (CP) na que se aprobaron as convocatorias de seis procesos selectivos, todos eles co voto en contra de CIG e CSIF, e a abstención de CCOO e UGT. Como cuestión previa, a CIG solicitou a suspensión da Orde do día, pois estas convocatorias non foron negociadas, xa que a única vez nas que puidemos ver os textos...