Novas por contido

No DOG do xoves 28 de xaneiro publícase a Resolución pola que se publica o Plan de formación do persoal das administracións e entes públicos da Comunidade Autónoma, das entidades locais e da Administración de xustiza de Galicia, así como do persoal de administración e servizos (PAS) das tres universidades galegas, para o ano 2016.

Esta resolución ten carácter informativo e a execución das accións recollidas nela queda condicionada á existencia de crédito orzamentario adecuado e dispoñible e ao que se estipule en cada convocatoria. Isto quere dicir que poderán sufrir modificacións xa que non é a primeira vez que a Xunta utiliza a formación de xeito propagandístico e do que se anuncia ao que en realidade se fai pode haber un treito considerable.

Para acceder ás accións formativas recollidas neste plan os empregados públicos deberán formalizar a súa matrícula logo de que se publiquen no Diario Oficial de Galicia as correspondentes convocatorias.

Outras novas recentes

Xoves, 29 Mai 2025

O concurso específico deseñado pola Xunta será unha LD encuberta e personalizable

O martes 3 de xuño quedará aprobado, previsiblemente, o modelo de bases dos concursos específicos (CE), un documento que permitirá ás consellerías convocar cada un dos 800 postos de CE cando queiran (se é que queren), e con criterios tan flexibles que poderán “personificalos” posto a posto A proposta xa pasou en xaneiro pola Mesa Sectorial de Negociación, con apenas un día...
Xoves, 29 Mai 2025

Menores vulnerables en mans de empresas privadas. Quen os protexe?

Cando o que importa non é o servizo, senón trincar pasta! Recentemente, veñen de publicarse dúas novas no DOG (Resolución do 12 de maio de 2025 e a Resolución do 23 de abril de 2025) que fan referencia a que os concursos polos que dous centros de menores, o de Casa da Quintán en Ponte Caldelas (oito prazas) dirixido a menores con medidas de protección e problemas de saúde...
Mércores, 28 Mai 2025

Proposta modificación RPT ATRIGA e Facenda

Veñen de remitirnos as propostas de renovación de varias RPT: RPT ATRIGA. Documentación. RTP Facenda. Documentación. Estamos convocados o vindeiro mércores, día 04 de xuño, para comezar as negociacións polo que se tes algunha alegación que facer a estas propostas de renovación pregamos que contactes coa CIG