Onde están as horas de programación e titorías?

A CIG solicitara semanas atrás, negociar o calendario para o vindeiro curso 26/27 antes da publicación do procedemento de admisión de alumnado.

Calendario de traballo para o curso 2026/27

A mediados de marzo publicarán o procedemento de admisión de alumnado para o vindeiro curso 26/27.

Este documento afecta ao calendario de traballo no seguinte:

• Días de inicio de curso, sen alumnado para preparar a escola en setembro: martes 1, mércores 2 e xoves 3. O venres 4 será o día de portas abertas.
• Días de peche en Nadal: 28, 29 e 30 (co cal as escolas estarán pechadas do 24 de decembro ao 3 de xaneiro).
• 3 días de peche anticipado para programación e xuntanzas de equipa.
• Incluirase unha cláusula nova na que indicarán ás familias que o incumprimento reiterado das normas será motivo de baixa na matrícula, téñense rexistrado actitudes agresivas co persoal).
• Moverán o peche de escolas ás 15:00h o luns de entroido cando o martes sexa festivo local.

Ademais, tamén informan de diferentes cuestións que cambiarán en relación con cursos anteriores e que afectan ás familias (opción preferente de acceso a crianzas de mulleres vítimas de violencia de xénero, consulta de familias monomarentais/monoparentais, as incapacidades permanentes baremaranse como ocupación e non como desemprego, cambio de nomenclatura para un uso correcto da linguaxe (de pai/nai a proxenitor/a...)

Dende a CIG manifestamos:

• Opoñémonos frontalmente a que saíra o procedemento de admisión do alumnado para as escolas privadas a principios de febreiro. Preguntamos: que se pretende facendo isto? Como non responden xa o facemos nós: motivos evidentes de favorecer a empresas privadas, prexudicando gravemente ás públicas ao permitir que as familias xa “garden” a praza un mes e medio antes na privada que na pública.
• Ausencias masivas: na anterior xuntanza indicaron que o Consorcio tamén aplicaría o V Convenio para as ausencias masivas. Si que o fixeron a continuación da xuntanza en Semana Santa pero non se volveu facer. O xerente do Consorcio di que para esta Semana Santa se retomará a sondaxe para ver se se poden dar libranza, xa que estas dependen das necesidades do servizo tal e como recolle a norma.
• Seguimos reclamando máis días de xuntanzas de equipa e programación. Está demostrado que 3 días por curso non é suficiente; as equipas están tensionadas por non poder comunicarse con fluidez e o labor docente non se pode desenvolver en 6 horas ao ano.
• Seguimos reclamando que nas carteleiras se recupere a información das ratios por franxas horarias, imprescindíbel para comprobar se as quendas horarias son equilibradas e que non se superan as ratios por traballadora.