O día 31 de xaneiro a CIG e as outras organizacións sindicais, mantivemos unha xuntanza coa Dirección Xeral de Emerxencias en relación á formación dos Axentes Forestais/Medioambientais durante o ano 2018.
Por parte da administración asistiron:
-Director Xeral de Emerxencias.
-Subdirector Xeral de Emerxencias.
-Xefe de Servizo de Formación.
-Xefa de Sección de Formación.
-Xefe de Servizo de Coordinación da Consellería de Medio Rural.
-Xefe do Servizo Xurídico da CMAOT.
O director xeral indícanos que o 1 de febreiro aprobaráse a formación no Consello Reitor da Academia Galega de Seguridade Pública (AGASP).
Os cursos a impartir no primeiro semestre do 2018 serían:
1. Específicos para axentes.
- Curso sobre leis caza e pesca. Destinatarios preferentemente axentes de CMAOT. Solicitamos que se substitúa esta curso polo de “Técnicas forenses criminalística e policía científica aplicadas á investigación de delitos contra a fauna salvaxe”.
- Redacción de dilixencias, actas e informes.
- Defensa verbal e resolución de conflitos no ámbito forestal.
- Condución de vehículos todo terreo.
2. Outros cursos nos que abren a convocatoria para que poidan participar axentes.
- Xornada formativa para o control da vespa asiática.
- Apoio psicolóxico e manexo de estrés en situacións críticas de emerxencia e catástrofe (estudarán a posibilidade de facelo específico para axentes).
- Caza e pesca con especial referencia a furtivismo (conxunto ca policía local). Solicitamos que se refundise co curso de caza e pesca.
Os criterios comúns de selección son por orde de inscrición e do 60% para axentes de Medio Rural e do 40% para os de CMAOT, salvo os cursos específicos de medio ambiente nos que terán preferencia os axentes de dita Consellería.
3. Cursos a realizar na EGAP.
- Aplicación de sistemas de información xeográfica ARCGIS.
- Manexo de técnicas de dispositivos de orientación básica.
- Control sobre o terreo de axudas forestais.
- Formación en inspección de sanidade vexetal.
4. Cursos pendentes de orzamento da Consellería de Medio Rural.
- Dirección de grandes lumes.
- Investigación de incendios forestais.
- O papel do axente medioambiental coma axente da autoridade.
Este é un bo inicio na demanda formativa que levamos pedindo dende fai tantos anos, pero o obxectivo é a definición dun plano ou itinerario formativo estable planificado e orzamentado.
