Novas por contido

Achéganos función pública o borrador do anteproxecto da Lei de Administración Dixital de Galiza.

Esta lei ten varios artigos que afectan directamente a todos os traballadores da administración en Galiza. Senta as bases para definir as competencias dixitais “desexables” do persoal empregado público, tomando como referencia o marco galego de competencias dixitais baseado no DIGCOMP pero adaptado ás súas peculiaridades co establecemento de cinco áreas de competencia dixital, agrupadas en tres niveis de dominio previstos para cada competencia: básico, intermedio e avanzado. Posteriormente desenvolverán un itinerario formativo para adquirir os diferentes niveis da competencia dixital.

Nos artigos 104 en adiante fala do marco de referencia de competencias dixitais e establece o seu alcance: “será de aplicación na definición das competencias dixitais mínimas do persoal empregado público que posibiliten o correcto desenvolvemento do seu posto de traballo nos supostos e cos requisitos que se determinen regulamentariamente, segundo o previsto no seguinte capítulo da presente lei”.

O procedemento para a acreditación das competencias dixitais desenvolverase regulamentariamente, coa indicación do tipo de certificación ou certificacións, alcance, niveis, así como os requisitos para a súa obtención.” Isto significa que ao igual que pasou co CODIX, teremos que volver a facer a cursos ou superar probas (autoformación) para acreditar estas competencias.

Supón o fin do CODIX (Certificación Galega de Competencia Dixitais en Ofimática) que non aparece en toda a lei… 190 horas perdidas facendo os 5 cursos ou probas para conseguir esta acreditación.

Descarga a responsabilidade de formarse nos empregados: “O persoal empregado público das administracións públicas galegas deberá asegurar a súa capacitación dixital para o exercicio das súas funcións que permita o aproveitamento eficiente dos medios dixitais na prestación do servizo público”. Cando ten que ser a Administración a que se preocupe e incentive aos seus traballadores para que se formen.

E cales son as intencións ocultas da administración con esta lei? Art. 110.2: “Para o acceso a determinadas categorías ou postos de traballo poderá establecerse como requisito de acceso a competencia dixital ou aptitudes no ámbito da administración dixital, nos termos adecuados ao posto do que se trate.

Esta lei afecta ao traballo e funcións do persoal das oficinas de rexistro, engadindo novas funcións e responsabilidades nos art. 33, 34, 74, 75.

Tamén regula a sinatura e acreditación do persoal empregado público (art. 68 en adiante), incluíndo como novidade o uso dos certificados electrónicos con pseudónimo para certos colectivos (inspección, etc).

Temos de prazo ata o xoves 11 de outubro para presentar alegacións. Podes contactar coa CIG.

Outras novas recentes

Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...