Novas por contido

A CIG recolle as queixas dos empregados públicos de Ferrol e entende que non é xusto que os cursos presenciais, entre os que se encontran moitos que son esenciais, non se convoquen en Ferrol, cando é así noutras zonas.

A modo de exemplo, no edificio administrativo de Ferrol hai persoal encargado de tarefas que corresponden cos contidos de determinados cursos, e están moi molestos, síntense discriminados con respecto a compañeiros que traballan noutros centros, que o teñen máis fácil para acceder á formación:

Curso FC20017 "Oficina de atención á cidadanía en materia de rexistro", que teñen previsto realizar de forma presencial, de 9 a 14 h. en todos os edificios administrativos da Xunta de Galicia, agás no de Ferrol.

Os funcionarios e funcionarias que realizan atención ao cidadán e á vez teñen asignada a función de rexistro auxiliar, polo tanto, traballan con todos os programas que se van tratar no dito curso, deste xeito non teñen a mesma oportunidade de recibir a formación.

Hai que lembrar que o acceso dos empregados públicos á formación é clave para que poidan desempeñar as súas funcións nun contexto dixital. Se a EGAP tomase en serio a formulación da súa directora, segundo a cal "e moi importante a formación do persoal empregado público para poder afrontar os retos tecnolóxicos e normativos que está a supoñer a administración dixital" facilitaría aos funcionarios de Ferrol o acceso a dita formación exactamamente igual que ao resto dos funcionarios de Galicia.

Non é este o único caso, sorprenden outros, presenciais, que terán lugar unicamente en Santiago, en horario de traballo, que teñen como obxectivo a mellora da calidade de vida e medicina preventiva, con especial relevancia para traballos sedentarios:

  • FC20007 Coidado da saúde: actividade física e alimentación,21 e 22 de abril de 10.00 a 14.00 h e de 16.00 a 20.00 h, parcialmente en horario laboral 
  • FC20008 Exercicio físico saudable e estilos de vida activos, 24, 25 e 26 de marzo de 10.00 a 14.00 h, en horario laboral.
  • E pasa o mesmo cos cursos presenciais de idiomas.

Demandamos unha corrección do plano de formación da EGAP, incorporando a localidade de Ferrol ao conxunto de núcleos receptores de cursos de Formación presencial. Hai que ter en conta que a Xunta dispón das infraestruturas precisas para cumprir con esta demanda. Só sería a vontade para facelo.

Outras novas recentes

Mércores, 21 Mai 2025

Relación definitiva de admitidas ao concurso de traslados de enxeñeiros, enxeñeiros técnicos, arquitectos, arquitectos técnicos e ciencias

No DOG do 21/05/2025 publican a RESOLUCIÓN do 16 de maio de 2025, da Dirección Xeral de Emprego Público e Administración de Persoal, pola que se aproba a relación definitiva de persoas admitidas e excluídas no concurso para a provisión de postos de traballo vacantes de corpos e escalas de Administración especial da Administración xeral da Comunidade Autónoma de Galiza,...
Xoves, 29 Mai 2025

O concurso específico deseñado pola Xunta será unha LD encuberta e personalizable

O martes 3 de xuño quedará aprobado, previsiblemente, o modelo de bases dos concursos específicos (CE), un documento que permitirá ás consellerías convocar cada un dos 800 postos de CE cando queiran (se é que queren), e con criterios tan flexibles que poderán “personificalos” posto a posto A proposta xa pasou en xaneiro pola Mesa Sectorial de Negociación, con apenas un día...
Luns, 26 Mai 2025

Convocatoria de actividades de formación continua do Instituto de Economía Pública de Galiza

No DOG do 26/05/2025 publican a RESOLUCIÓN do 15 de maio de 2025 pola que se convocan actividades de formación continua do Instituto de Economía Pública de Galicia (IEP) para o persoal ao servizo da Administración pública da Comunidade Autónoma, das entidades públicas instrumentais, da Administración institucional de Galiza, das entidades locais e o persoal técnico, de...