O venres 14/02/25 participamos en dúas mesas de negociación nas que se trataron os seguintes asuntos: 1) RPT do Instituto de Estudos do Territorio, 2) RPT de Vivenda e Planificación de Infraestruturas. Na rolda aberta de intervencións, a directora xeral de Emprego Público e Administración de Persoal (DXEP) deu algunha (pouca) información de varios asuntos.
RPT do Instituto de Estudos do Territorio (IET)
O punto foi tratado na Mesa Xeral de Negociación de Empregados Públicos. A proposta do IET inclúe a creación de tres postos, amortización de 6, incremento de méritos en postos creacos de xefatura de sección, eliminación da titulación de dereito para transformalo en mérito nunha xefatura de servizo, e a regularización de 5 postos base C1 da escala técnica de especialistas en reprodución cartográfica.
A xuntanza inicial coa consellería foi en outubro/2024. Fora unha xuntanza con documentación incompleta. Dos 3 postos que crean, un deles é unha xefatura de servizo con funcións solapadas con outra xefatura de servizos. Tiveron en conta unha das alegacións da CIG en relación ás titulacións como méritos dos dous postos creados como xefaturas de sección. Demandamos o incremento de complemento dos postos que realizan traballos específicos. Os postos de reprodución cartográfica deberían ter un nivel 18, equiparable aos postos de delineantes.
RPT de Vivenda e Planificación de Infraestruturas
Punto tratado na Mesa Sectorial de Negociación do Pesoal Funcionario. A proposta ven a adecuar a RPT ao decreto de estrutura da consellaría. Traspasan a DX de Mobilidade a Presidencia. Crean un posto de subdirección xeral de Coordinación e Planificación. Modifican postos na subdirección de Réxime Xurídico e Administrativo.
Outra RPT que ven de lonxe: o asunto ven á Mesa 7 meses despois da primeira e única xuntanza, de xullo de 2024. Para esta mesa si envían documentación completa, cousa que non ocorreu na xuntanza anterior. Rectifican a apertura a xeral/especial do posto de Xefatura de Servizo de Apoio Técnico. Non inclúen unha modificación dun posto que por sentenza teñen que reconverter a grupo III categoría 9.
Respecto do concurso de traslados de enxeñarías, esiximos que o posto IVA100000015770006 (enxeñeiro en funcións facultativas), ofertado na AXI, continúe no ente, pois unha vez pechado o proceso de eleición de postos (13/02/25), aparecen co seu traslado á D.X. de Mobilidade (Presidencia), froito dun acordo entre as consellerías asinado en setembro do 2024. É dicir, que fai moitos meses que saen do cambio, e veñen agora a executalo unha vez que rematou o prazo para a súa solicitude no concurso de traslados.
Rolda aberta de intervencións
Funcionarización do persoal laboral fixo do GAIN -> unha vez que se resolva o proceso de estabilización, procederase á convocatoria para a funcionarización.
Estatutos do Intecmar: chegounos hai meses un borrador de novos estatutos do INTECMAR adaptados á LOFAXGA. Agora sae na prensa información ao respecto, pero á CIG non a convocan. Queremos que se nos confirme en que estado están as cousas. -> Resposta a DXEP non ten "información formal" e que preguntará.
Carreira Profesional do persoal laboral temporal do Laboratorio Oficial de Metroloxía de Galicia: Non a están a cobrar, hai que solucionar esta situación. Non resposta
Preguntamos pola posta en marcha da UICON (Consellería de Medio Ambiente e Cambio Climático) -> curiosamente din que “para a semana” van convocar aos sindicatos para tratar esta modificación de RPT.
Para cando a publicación da RPT do Consorcio Galego de Servizos Sociais? -> Para a primeira quincena de marzo.
