No DOG do 09/03/2023 publican a RESOLUCIÓN do 2 de marzo de 2023 pola que se procede ao nomeamento como persoal laboral fixo da Xunta de Galiza na categoría 003 do grupo V, ordenanza e outras, das persoas aspirantes que superaron o proceso selectivo extraordinario de consolidación, convocado pola Orde do 5 marzo de 2019 (DOG número 49, do 11 de marzo).

Nomean persoal laboral fixo na categoría 003 do grupo V, ordenanza e outras, de persoal laboral fixo da Xunta de Galiza, as persoas aspirantes aprobadas que se relacionan no anexo desta resolución, ordenadas de acordo coa puntuación final obtida, e adxudicarlles como destino provisional os que figuran no mesmo anexo.

As persoas nomeadas persoal laboral fixo da Xunta de Galiza e adxudicatarias provisionais dos postos de traballo relacionados no anexo disporán do prazo dun mes para tomar posesión dos seus destinos, de conformidade co disposto no artigo 13 do V Convenio colectivo único para o persoal laboral da Xunta de Galiza.

O prazo de toma de posesión comezará a computarse a partir do día seguinte ao da publicación desta resolución no DOG.