No DOG do 10/05/2023 a EGAP publica a RESOLUCIÓN do 3 de maio de 2023 pola que se convocan cursos de formación en prevención de riscos laborais: primeiros auxilios, loita contra incendios e evacuación.
Requisitos das persoas participantes:
Persoal dos equipos: de alarma e evacuación; de primeira intervención e de primeiros auxilios, así como o persoal que desempeñe a xefatura de emerxencia e/ou primeira intervención, do Centro de Novas Tecnoloxías de Galicia, da Axencia Galega de Innovación e da Residencia de Maiores de Marín.
O acceso será a través da páxina web da EGAP: (EGAP) <https://egap.xunta.gal> e, unha vez dentro, haberá que seguir as seguintes instrucións:
1. É preciso estar rexistrado na área de matrícula da EGAP. Para iso ten que premer na icona «área de matrícula» da páxina web da EGAP e rexistrarse premendo en «rexistrar unha conta para acceder ás aplicacións», situada na parte inferior da pantalla (no caso de que o/a traballador/a xa estivese rexistrado/a este paso non será necesario).
2. A EGAP procederá á matriculación do alumnado indicado polo Servizo de Prevención de Riscos Laborais.