No DOG do 01/08/2023 publican a RESOLUCIÓN do 24 de xullo de 2023 pola que se convocan para a elección de destino definitivo as persoas aspirantes que superaron os procesos selectivos para o ingreso no corpo superior da Administración xeral da Comunidade Autónoma de Galiza, subgrupo A1, escala superior de finanzas, convocado pola Orde do 2 de decembro de 2016; no corpo de xestión da Administración xeral da Comunidade Autónoma de Galiza, subgrupo A2, escala técnica de finanzas, convocado pola Orde do 2 de decembro de 2016; no corpo superior da Administración xeral da Comunidade Autónoma de Galiza, subgrupo A1, escala superior de finanzas, convocado pola Orde do 1 de marzo de 2018; no corpo de xestión da Administración xeral da Comunidade Autónoma de Galiza, subgrupo A2, escala técnica de finanzas, convocado pola Orde do 1 de marzo de 2018, e no corpo superior da Administración xeral da Comunidade Autónoma de Galiza, subgrupo A1, escala superior de finanzas, pola quenda de promoción interna, convocado pola Resolución do 31 de maio de 2021.

Publican como anexo I a relación de persoas que superaron os procesos selectivos que figuran na Orde do 28 de decembro de 2018 (escala superior de finanzas); na Orde do 28 de decembro de 2018 (escala técnica de finanzas); na Resolución do 17 de setembro de 2021 (escala superior de finanzas); na Resolución do 26 de xullo de 2021 (escala técnica de finanzas), e na Resolución do 21 de abril de 2023 (escala superior de finanzas), que se atopan en destino provisional por novo ingreso, e que son convocadas á elección de destino definitivo segundo a orde que en aplicación das bases das súas respectivas convocatorias deberá seguirse para os efectos da adxudicación de destino e segundo consta a orde de prelación no anexo I desta resolución.

Os postos ofertados e os requisitos exixidos para a súa ocupación figuran como anexo II desta resolución. As persoas aspirantes elixirán as prazas ao subgrupo a que acceden e de conformidade co indicado no anexo II desta resolución.

Para o acceso á aplicación informática para a elección de destino, a Dirección Xeral da Función Pública remitirá ás persoas aspirantes un correo electrónico co usuario e a clave de acceso á aplicación dos procesos selectivos.

No prazo máximo de dous (2) días hábiles contados a partir do día seguinte ao da publicación desta resolución no DOG, a persoa aspirante, no suposto de que non recibise correctamente o seu usuario e clave, deberá poñerse en contacto co servizo informático da Dirección Xeral da Función Pública, no teléfono 881 99 98 83, para que se lle faciliten os datos necesarios.

Unha vez transcorrido o prazo sinalado no parágrafo anterior, abrirase un prazo de cinco (5) días hábiles para que as persoas aspirantes que constan no anexo I desta resolución seleccionen telematicamente, a través do sistema electrónico, os destinos ofertados por orde de prelación.