Novas por contido

Oposicións veterinarias e intérpretes de linguaxe de signos (lei 20/2021): data, hora e lugar do primeiro exercicio

Detalles

No DOG do 21/02/2024 publican:

- RESOLUCIÓN do 24 de xaneiro de 2024, do tribunal designado para xulgar o proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso no corpo facultativo superior de Administración especial da Administración xeral da Comunidade Autónoma de Galiza, subgrupo A1, escala de veterinarios, convocado pola Resolución do 22 de decembro de 2022 (Diario Oficial de Galiza número 245, do 27 de decembro), pola que se fan públicos a data, a hora e o lugar de realización do primeiro exercicio do proceso selectivo.

Terá lugar o día 3 de marzo de 2024, ás 9.00 horas, nas aulas 1 e 9 e na sala de lectura da Facultade de Dereito da Universidade de Santiago de Compostela.

- RESOLUCIÓN do 7 de febreiro de 2024, do tribunal nomeado para xulgar o proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso na categoría 104 do grupo III de persoal laboral da Xunta de Galiza, intérprete de linguaxe de signos, convocado pola Resolución do 22 de decembro de 2022 (Diario Oficial de Galiza número 245, do 27 de decembro), modificada polas resolucións do 20 de xaneiro de 2023 (Diario Oficial de Galiza número 15, do 23 de xaneiro) e 6 de febreiro de 2023 (Diario Oficial de Galiza número 26, do 7 de febreiro), pola que se fan públicos a data, a hora e o lugar de realización do primeiro exercicio do proceso selectivo.

Terá lugar o día 3 de marzo de 2024, en chamamento único que se iniciará ás 9.00 horas, no salón de actos da Facultade de Dereito en Santiago de Compostela.

Outras novas recentes

Luns, 09 Febreiro 2026

A CIG-Autonómica participa na elaboración do Protocolo Lingua Vital de actuación ante a emerxencia lingüística

A CIG-Autonómica asistiu o sábado 7 de febreiro á xuntanza dos grupos de traballo do Proceso social de Lingua Vital, que tivo lugar en Compostela, para concretar o texto do Protocolo Lingua Vital. O obxectivo da xuntanza do Proceso social de Lingua Vital, do que a CIG-Autonómica forma parte, foi concretar o protocolo de actuación ante a emerxencia lingüística do galego....
Martes, 10 Febreiro 2026

Borrador da convocatoria e listado de postos para o concurso de coidadoras, xerocultoras, PSX, educación infantil e xardín de infancia

A DXEP envíanos o borrador das bases da convocatoria do concurso de varias escalas (educador/a e educación infantil, auxiliares coidadores, xerocultores e persoal de servizos xerais) e o listado de postos vacantes. Se tes algo que dicir das bases ou do listado de prazas, contacta coa CIG.
Luns, 16 Febreiro 2026

Concursos de estatística e persoal experto lingüista (CP 13/02/2026)

A Xunta decide mudar o modelo de baremo dos concursos, eliminando o tempo de permanencia no posto e suprimindo o achegamento ao domicilio das fillas, fillos e dependentes, limitándoa só ao achegamento á persoa cónxuxe. O venres pasado, 13 de febreiro, tratamos en Comisión de Persoal o concurso de traslados de estatística e o de persoal experto lingüista, ademais de varias...