Novas por contido

No DOG de hoxe, 19/08/2025 publícanse as correccións de erros de dous procesos selectivos:

CORRECCIÓN DE ERROS. Resolución do 31 de xullo de 2025, do tribunal encargado de cualificar o proceso selectivo, pola quenda de promoción interna, para o ingreso no corpo facultativo superior de Administración especial da Administración xeral da Comunidade Autónoma de Galicia, subgrupo A1, escala de enxeñaría, especialidade de enxeñaría de montes, convocado mediante a Resolución do 25 de xaneiro de 2024 (Diario Oficial de Galicia número 21, do 30 de xaneiro), pola que se fan públicas a data, a hora e o lugar de realización do segundo exercicio do proceso selectivo.

Advertido erro na resolución publicada no Diario Oficial de Galicia número 154, do 13 de agosto de 2025, cómpre facer a seguinte corrección:

Na páxina 44219, onde di: «... o segundo exercicio da oposición, pola quenda de promoción interna, terá lugar o día 18 de setembro de 2025, en chamamento único que se iniciará ás 15.30 horas, na Aula 7 da Escola Galega de Administración Pública sita en Santiago de Compostela, na rúa Madrid, 2-4 (As Fontiñas)».

Debe dicir: «... o segundo exercicio da oposición, pola quenda de promoción interna, terá lugar o día 18 de outubro de 2025, en chamamento único que se iniciará ás 10.00 horas, na aula 8 da Escola Galega de Administración Pública, sita en Santiago de Compostela, na rúa Madrid 2-4 (As Fontiñas)».

CORRECCIÓN DE ERROS. Resolución do 31 de xullo de 2025, do tribunal encargado de cualificar o proceso selectivo, pola quenda de promoción interna, para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñaría, especialidade de enxeñaría forestal, convocado mediante a Resolución do 25 de xaneiro de 2024 (Diario Oficial de Galicia número 21, do 30 de xaneiro), pola que se fan públicos a data, a hora e o lugar de realización do segundo exercicio do proceso selectivo.

Advertido erro na resolución publicada no Diario Oficial de Galicia número 154, do 13 de agosto de 2025, cómpre facer a seguinte corrección:

Na páxina 44220, onde di: «... o segundo exercicio da oposición, pola quenda de promoción interna, terá lugar o día 17 de setembro de 2025…».

Debe dicir: «... o segundo exercicio da oposición, pola quenda de promoción interna, terá lugar o día 17 de outubro de 2025...».

Outras novas recentes

Venres, 17 Outubro 2025

Publicado o Real Decreto que recoñece a xubilación anticipada dos e das axentes ambientais pero “non os aplica” de xeito directo

O Real Decreto 919/2025, de 15 de outubro, regula os coeficientes redutores da idade de xubilación aplicables ao persoal axente forestal e ambiental das administracións públicas.  Este avance é unha conquista colectiva do persoal axente ambiental e tamén froito da presión e do traballo sindical desenvolto pola CIG durante a tramitación da Lei básica que permitiu incorporar...
Luns, 20 Outubro 2025

Proposta de modificación da RPT do Instituto Galego de Vivenda e Solo (MSF 17/10/25)

O pasado venres día 17 de outubro á Mesa Sectorial trouxeron a proposta de modificación da relación de postos de traballo (RPT) do Instituto Galego de Vivenda e Solo (IGVS) Contido da proposta: Creacións de 24 postos de traballo: 1 posto de director/a, 5 postos de xefatura de servizo, 1 posto de xefatura de oficina técnica ,5 postos de xefatura de sección, 5 postos de...
Luns, 20 Outubro 2025

Promoción interna a corpos xerais. Modificación RPT Evo-Traballo social (para CP 21/10/25)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 21 de outubro, para a aprobación dos seguintes puntos: Promoción interna de corpos xerais Bases da convocatoria de promoción interna separada ao corpo superior-A1. Descargar Bases da convocatoria de promoción interna separada ao corpo de...