No DOG do 15/12/2025 publican a RESOLUCIÓN do 9 de decembro de 2025, da Dirección Xeral de Emprego Público e Administración de Persoal, pola que se modifica a Resolución do 11 de xullo de 2025 pola que se resolve o concurso ordinario para a provisión de postos de traballo vacantes de corpos e escalas de Administración especial da Administración xeral da Comunidade Autónoma de Galiza, escalas do Servizo de Gardacostas de Galiza (SGG), e pola que se abre o prazo posesorio dos postos adxudicados en virtude da resolución definitiva do concurso ordinario para a provisión de postos de traballo vacantes de corpos e escalas de Administración especial da Administración xeral da Comunidade Autónoma de Galiza, escalas do Servizo de Gardacostas de Galiza (SGG).

Abren o prazo de toma de posesión que se establece no punto segundo da Resolución do 11 de xullo de 2025 da Dirección Xeral de Emprego Público e Administración de Persoal.

De conformidade co previsto na Lei 2/2015, do 29 de abril, do emprego público de Galiza, e no artigo 8 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galiza e das entidades públicas instrumentais integrantes do sector público autonómico, o prazo da toma de posesión comezará a contar a partir do día seguinte ao do cesamento e será de tres días hábiles, se non implica cambio de residencia, ou de sete días hábiles se comporta cambio de residencia.

O cesamento deberá efectuarse o día 16 de decembro de 2025.