No DOG do 17/03/2026 publican a RESOLUCIÓN do 10 de marzo de 2026, da Dirección Xeral de Emprego Público e Administración de Persoal, pola que se dispón a aplicación como proxecto piloto do Decreto 37/2006, do 2 de marzo, na cobertura temporal dos postos do corpo facultativo de grao medio de Administración especial da Administración xeral, escala técnica facultativa, especialidade de educador e educadora infantil, adscritos ao Consorcio Galego de Servizos de Igualdade e Benestar.

A aplicación do Decreto 37/2006, do 2 de marzo, ao procedemento de cobertura temporal dos postos adscritos ao Consorcio Galego de Servizos de Igualdade e Benestar levarase a cabo de forma paulatina para garantir o funcionamento do sistema.

A cobertura dos postos adscritos ao corpo facultativo de grao medio de Administración especial da Administración xeral, escala técnica facultativa, especialidade de educador e educadora infantil, será realizada a través das listas reguladas polo Decreto 37/2006, do 2 de marzo, desde o 23 de marzo de 2026.